Ħarsa ġenerali​

L-Awtorità tal-Ippjanar b'kollaborazzjoni mas-Segretarju Parlamentari għall-fondi tal-UE u d-Djalogu Soċjali qegħdin inedu skema ġdida dwar restawr u manutenzjoni ta’ gallariji. Din l-iskema se talloka €2 miljun għal gallariji ta’ residenzi li joqgħodu in-naħa ta’ Marsamxett fil-Belt Valletta.

Din l-iskema ser tkun qed tgħin billi ttaffi l-ispiża finanzjarja għar-restawr u l-manutenżjoni ta' gallariji tradizzjonali, speċjalment dawk magħmula mill-injam, sabiex tħeġġeġ l-użu kontinwu tagħhom. Din l-iskema ser tkun disponibbli għal gallariji miftuħa jew magħluqa fi proprjetajiet li jintużaw bħala residenzi. Dan jeskludi uffiċċini, bini kummerċjali, organizzazzjonijiet mhux governattivi jew bini reliġjuż.

X’se tingħata

Sabiex tinkoraġġixxi r-residenti biex jieħdu din l-opportunità filwaqt li ttejjebu l-kwalità tal-ħajja f'din iż-żona, l-iskema ser tkun qed tiffinanzja kompletament ix-xogħlijiet assoċjati mar-restawr u manutenzjoni tal-gallariji miftuħa jew tal-injam.

L-iskema tkopri sa massimu ta' €8000 għal kull gallarija tal-injam b'erba’ panewijiet magħluqa. Dan jinkludi l-ispejjeż għall-kiri tal-armar matul ix-xogħlijiet u l-installazzjoni ta' double glazing sabiex tittejjeb l-effiċjenza tal-enerġija fil-proprjetà. Kull applikant jeħtieġ li ġġib permess tal-Ippjanar fil-forma ta' DNO la darba x-xogħlijiet jinkludu s-sostituzzjoni parzjali jew sħiħa tal-gallarija.

Eliġibbiltà​​

L-applikant irid ikopri biss l-ispejjeż ta’ permessi mill-kunsill lokali u l-ispejjeż tas-servizzi professjonali tal-perit jekk ikun hemm bżonn. Ix-xogħlijiet eliġibbli huma ddeterminati mid-data tal-irċevuti, li għandhom ikunu datati mhux qabel l-1 ta' Novembru 2018. Ir-residenti li huma interessati li jibbenefikaw minn din l-iskema jeħtieġu li jinvolvu s-servizzi ta’ Perit.

Din l-iskema l-ġdida ser tagħlaq fil-31 ta' Jannar 2019 jew qabel jekk il-fondi jiġu eżawriti. Ix-xogħlijiet relatati mar-restawr jew l-manutenzzjoni tal-gallariji għandhom jitlestew sat-30 ta' Settembru 2019.

Biex tara jekk il-propjetà tiegħek hux eliġibbli jew le, jekk jogħġbok hawn .

Kif tapplika​

Il-Perit għandu jissottometti l-applikazzjoni fuq l-internet permezz tas-sistema onlajn tal-Awtorità, eAppplications.

Għal aktar informazzjoni ċempel 2290 1551/1555 jew ibgħat imejl fuq vallettamarsamxett@pa.org.mt.

Biex tara d-dokument ta' linji gwida, jekk jogħġbok agħfas hawn .

Għal mistoqsijiet u tweġibiet, jekk jogħġbok agħfas hawn .
applika