Ambjent, Enerġija, Biedja u Sajd

Applikazzjoni biex bdiewa japplikaw għal permess biex ikunu eliġibbli għall-biljetti tal-vapur b’xejn, biex jitrasportaw prodotti agrikoli bejn Għawdex u Malta.

Applikazzjoni għal miżuri biex jittejbu l-kundizzjonijiet għall-produzzjoni u s-suq ta’ prodotti tal-apikoltura.

L-avviż bl-SMS huwa servizz ta' twissija mibgħut lill-benefiċjarju kif ordnat mill-Aġenzija tal-Pagamenti Agrikoli u Rurali (ARPA). Jindika l-ammonti li għandhom jiġu ddepożitati fil-kont ta' benefiċjarju u fil-preżent qed jintuża biex jgħarraf lil min hu rrġistrat dwar diversi korsijiet obbligatorji u kull materjal relatat mal-agrikoltura.

L-Artiklu 14 (1) ta' S.L. 549.66 li tittratta r-regolamenti tal-Programm ta' Azzjoni dwar in-Nitrati jiddikjaraw li l-importaturi, id-distributuri u l-bejjiegħa tal-fertilizzanti kollha għandhom ikunu rreġistrati mad-Dipartiment.

L-iskop tas-Servizz Konsultattiv għall-Irziezet (FAS) hu li jgħin lill-bdiewa u raħħala investituri billi jagħti parir professjonali. Jekk entità trid li tkun irreġistrata bħala Servizz Konsultattiv għall-Irziezet, il-Bord tar-Reġistrazzjoni għas-Servizz Konsultattiv għall-Irziezet jassessja l-applikazzjonijiet għar-rikonoxximent u inklużjoni fil-lista ta' entitajiet li jissodisfaw ir-rekwiżiti.

Din l-applikazzjoni sservi bħala talba għar-reġistrazzjoni tas-siġar taż-żebbuġ tal-bidwi, skont il-kwantità, iż-żona taħt wiċċ l-għelejjel u l-varjetijiet.

L-applikazzjoni hija mandatorja għal Organizzazzjonijiet ta' Produtturi ġodda jew Gruppi ta' Produtturi sabiex jagħtu d-dettalji tagħhom lid-Direttorat tal-Agrikoltura u jissottomettuha mal-programm operattiv rispettiv.

Ir-Regolament tal-Kunsill 1308/2013 u r-Regolament tal-Kummissjoni 891/2007 u 892/2017 jistabbilixxu d-dispożizzjonijiet għar-rikonoxximent u l-governanza tal-Gruppi tal-Produtturi u l-Organizzazzjonijiet tal-Produtturi. L-għan huwa li tiġi stabbilita organizzazzjoni rikonoxxuta taħt il-qafas leġiżlattiv tal-UE għall-bdiewa biex jingħaqdu flimkien u jiġbru flimkien riżorsi u kapaċitajiet għal ekonomija aħjar u sostenibbiltà ambjentali.

L-applikazzjoni hija mandatorja għal Organizzazzjonijiet ta' Produtturi ġodda jew Gruppi ta' Produtturi sabiex jagħtu d-dettalji tagħhom lid-Direttorat Agrikoltura u jissottomettuha mal-programm operattiv rispettiv.