Ambjent, Enerġija, Biedja u Sajd

Id-Dipartiment tas-Sajd u Akkwakultura huwa risponsabbli mis-settur tas-Sajd u Akkwakultura f’Malta u jieħu ħsieb b’mod speċjali r-reġistrazzjoni tal-bastimenti u tal-kontroll fuq is-settur. Isir ukoll studju u rappurtaġġ fuq il-qbid tal-ħut biex tkun sorveljata s-sistema b’mod ħolistiku. Id-Dipartiment fix-xogħol tiegħu huwa mmexxi mid-Direttur Ġeneralu u kif ukoll Direttur responsabbli mis-sajd u Direttur responsabbli mil-Akwakultura.

Minħabba t-tkabbir individwali tat-tunnellaġġ gross tal-bastimenti tas-sajd Maltin, il-Hard Standing Facility (HSF) żviluppat bl-iskop li tipprovdi lis-sajjieda bil-possibbiltà li jżommu l-bastimenti tagħhom f'Malta minflok jirrikorru għand pajjiżi oħra fil-qrib. L-HSF tinsab fil-villaġġ tas-sajjieda f'Marsaxlokk u tikkonsisti f'żona ta' madwar 6000 metru kwadru b'parank b'kapaċità ta' 250 tunnellata. Is-sajjieda jistgħu jibbukkjaw biex jużaw din l-HSF.

L-operazzjoni ta’ bastimenti rreġistrati mad-Dipartiment tas-Sajd u l-Akwakultura tista' ssir biss mill-kaptani approvati. Għalhekk, jista’ jkun il-każ li sid jeħtieġ li jibdel il-kaptan kurrenti jew iżid it-tieni għall-kontinwazzjoni tal-attivitajiet tas-sajd.