Ħarsa ġenerali​

L-iskema għandha l-għan li tħajjar entitajiet kummerċjali bbażati f’Għawdex biex isegwu t-triq tal-innovazzjoni biex ikomplu jmexxu s-suċċess ekonomiku tagħhom u jżommu ruħhom aġġornati mal-aħħar żviluppi fid-dinja tat-teknoloġija, inkluż billi tipprovdi appoġġ finanzjarju lill-entitajiet biex jattendu u jipparteċipaw f’avvenimenti internazzjonali relatati mat-teknoloġija diġitali. Il-Ministeru għal Għawdex se jappoġġja l-parteċipazzjoni f'avveniment internazzjonali wieħed relatat mat-teknoloġija tal-internet/midja diġitali għal kull entità kummerċjali.

X’se tingħata

L-appoġġ finanzjarju għall-parteċipazzjoni se jkopri sa massimu ta' persuna waħda inkluż biljett tal-ajru tal-klassi ekonomika; sal-massimu tal-ispejjeż tar-reġistrazzjoni/miżati tal-parteċipazzjoni; u sal-massimu ta' 60% tal-ispiża tal-allowance ta’ sussistenza standard biex tkopri għall-akkomodazzjoni ta’ bed and breakfast. L-għajnuna tingħata fuq bażi ta' min jiġi l-ewwel jinqeda l-ewwel, suġġett għal-limitu massimu annwali u l-baġit totali.

Eliġibbiltà​​

Entitajiet ta’ mikro negozju, SMEs u kumpaniji kbar ibbażati f’Għawdex li joperaw esklussivament fl-industriji tal-iżvilupp tat-teknoloġija tal-internet u tas-softwer huma eliġibbli biex japplikaw jekk jissodisfaw il-kriterji ta’ eliġibbilta’ kif indikati fin-Noti ta’ Gwida tal-iskema.

Kif tapplika​

L-applikazzjonijiet jistgħu jiġu aċċessati fuq www.mgoz.gov.mt jew permezz tal-applikazzjoni MyGozo u għandhom jiġu sottomessi online.
applika