Ħarsa ġenerali​

L-okkupanti ġewwa r-raħal tal-artiġjanat ta' Ta' Qali, li huma kerrejja tal-Malta Industrial Parks, jistgħu jiksbu għajnuna għall-iżvilupp tal-lok tan-negozju tagħhom f'Ta Qali.

X’se tingħata

Il-kerrejja għandhom il-possibbiltà li jibbenefikaw minn garanzija sa €150,000, li jkopru sa 75% fuq self bankarju jew għotja ta' flus sa €70,000 biex jiffinanzjaw sa 50% ta' dan il-proġett.

Impriża eliġibbli tista' titlob appoġġ jew bħala għotja ta' flus jew bħala garanzija.

Eliġibbiltà​​

Din il-miżura hija miftuħa għal kull intrapriża li għandha ftehim enfitewtiku temporanju regolari mal-Malta Industrial Parks fir-rigward ta' proprjetà li tinsab fir-raħal artiġjanali Ta' Qali.

Kif tapplika​

Imla l-formola onlajn, ipprintjaha u ibgħatha lil:

Korporazzjoni Malta Enterprise
Malta Industrial Parks Ltd
Gwardamangia Hill
Pietà MEC 0001
Il-formoli tal-applikazzjonijiet għandhom jintbagħtu mimlija u ffirmati jew bl-idejn jew permezz tal-posta rreġistrata.
applika