Inklużjoni, Ugwaljanza u Ħarsien Soċjali

Meta tifel jew tifla ssirilha dijanjożi ta’ diżabilità, il-familja tgħaddi minn għadd ta' emozzjonijiet. Familji jistgħu jesperjenzaw ukoll sens ta' djufija u nuqqas ta' kuraġġ. Anki jekk il-ħtiġijiet ta' kull familja huma individwali, xi mistoqsijiet u emozzjonijiet huma komuni fost familji li jkollhom tfal b'diżabilità. Għalhekk Aġenzija Sapport toffri numru ta’ workshops u gruppi ta' sostenn biex tappoġġja lil dawn il-familji.

L-iskema ta’ Eżenzjoni mill-Ħlas tal-Liċenzja tat-Triq jippermetti lill-persuni b'diżabilità jew il-ġenituri/carers li jkunu parzjalment jew kompletament eżenti mill-ħlas tal-liċenzja annwali tat-triq.

Iċ-Ċentru Ħajja Indipendenti Sonia Tanti (STILC) joffri appoġġ, informazzjoni u gwida lill-persuni b’diżabilità u lill-familji tagħhom biex jgħixu ħajja indipendenti fil-komunità. Occupational Therapists u Fiżjoterapisti joffru assessjar professjonali sabiex il-persuni b’diżabilità jkunu jistgħu jiksbu, iżommu jew jiksbu mill-ġdid l-indipendenza tagħhom permezz ta’ apparat li jgħin fil-mobilità, apparat assistiv, siġġijiet tar-roti, soluzzjonijiet għas-seating, u adattamenti tal-karozzi. 

L-Empowerment Scheme għandha l-għan li tipprovdi appoġġ finanzjarju lill-persuni b'diżabilità sabiex ikunu jistgħu jixtru tagħmir speċjalizzat u li jippermettilhom ukoll jgħixu ħajja aktar indipendenti fid-dar tagħhom u lokalità. L-Iskema hija mmexxija minn Bord indipendenti li jiltaqa’ darba fix-xahar biex jagħmlu l-assessjar u jevalwaw l-applikazzjonijiet li jkunu ġew sottometti matul dak il-perjodu.

L-għan ta’ din l-iskema huwa li tipprovdi appoġġ u għajnuna finanzjarja lill-persuni b'diżabilità u l-familji tagħhom biex jakkwistaw mezz ta' trasport adattati għall-bżonnijiet tagħhom.

Accessible Beach Hoist għad-Dħul fil-Baħar

Individwi b'nuqqas ta’ mobilità issa jistgħu jaċċessaw il-baħar b'mod sigur permezz ta’ hoist fuq il-bajja li jinsab fil-Menqa, Marsalforn. Il-prenotazzjonijiet jistgħu jsiru permezz tal-App MyGozo u huma disponibbli kull siegħa mill-10:00am sal-5:00pm, b'kull sessjoni ddum bejn siegħa u sagħtejn. Attendant tal-ERRC se jkun preżenti biex jassisti minn 15-il minuta qabel sa 15-il minuta wara l-ħin skedat tiegħek.

Professjonisti jistgħu jirreferu persuni b’diżabilità lejn is-servizzi ta’ Aġenzija Sapport. L-ewwel kuntatt tal-klijenti għas-servizzi kollha tal-Aġenzija hu permezz tal-Intake Team tal-Aġenzija.

Il-Blue Badge huwa dokument legali li jippermetti lid-detenturi jipparkjaw f'postijiet ta' parkeġġ riservati. Dan id-dokument jinħareġ minn Aġenzija Sapport lill-applikanti eliġibbli. Persuna tista’ wkoll tapplika f’isem ħaddieħor sabiex tiffaċilita s-sottomissjoni tal-applikazzjoni.