Inklużjoni, Ugwaljanza u Ħarsien Soċjali

L-Allowance għall-Carers tista’ tingħata lil persuna waħedha, miżżewġa, f’unjoni ċivili jew tikkoabita li għandha aktar minn tmintax-il (18) sena u tkun qed tieħu ħsieb il-kura ta’ membru tal-familja, b’dipendenza baxxa, li jgħix fl-istess dar, fuq bażi full-time.

L-Allowance għal Ġenitur Waħdu mhux miżżewweġ tista' tingħata lill-ġenitur waħdu u mhux miżżewweġ li m’għandux xogħol bi qligħ.

L-Allowance Miżjuda għal Carer tista’ tingħata lil persuna waħedha, miżżewġa, f’unjoni ċivili jew tikkoabita li għandha aktar minn tmintax-il (18) sena u tkun qed tieħu ħsieb il-kura ta’ membru tal-familja, b’dipendenza għolja, li jgħix fl-istess dar, fuq bażi full-time.

L-Assistenza għal Diżabilità tingħata lil persuna li jkollha bejn sittax-il (16) sena u inqas minn ħamsa u sittin (65) sena, u li tkun qed tbati minn paraliżi totali jew malfunzjoni permanenti severa u totali jew inkella diżabilità totali permanenti permezz ta’ amputazzjoni, jew xort’oħra, ta’ id jew sieq. Tingħata wkoll lil persuna b’impediment fis-smiegħ u/jew fid-diskors.

Assistenza għal Diżabilità Severa tingħata lil persuna li jkollha diżabilità fiżika u jkollha bejn sittax-il (16) sena u ħamsa u inqas minn sittin (65) sena, u li  tista’ twettaq xogħol bi qligħ.

Assistenza għal Diżabilità Severa Intellettwali tingħata lil persuna li jkollha diżabilità mentali u diżabilità fuq tagħlim ġenerali, u jkollha bejn sittax-il (16) sena u inqas minn ħamsa u sittin (65) sena, u li  tista’ twettaq xogħol bi qligħ.

Assistenza għall-Persuna b'Vista Batuta tingħata lil persuna li jkollha bejn erbatax-il (14) sena u anqas minn ħamsa u sittin (65) sena, u li hija kompletament jew parzjalment nieqsa mid-dawl.

L-Assistenza għal Persuna Dipendenti mid-Droga tista' tingħata lil persuna li qed tattendi programm ta’ rijabilitazzjoni mid-droga jew alkoħol. L-Assistenza għal Persuni Dipendenti mid-Droga m’għandhiex Test tal-Mezzi.
 

L-Għajnuna Soċjali - Medika tista’ tingħata lil persuna responsabbli tal-familja jekk din ma tistax  taħdem minħabba raġunijiet ta’ saħħa.