Inklużjoni, Ugwaljanza u Ħarsien Soċjali

Fl-1990 frott patt soċjali ddaħħal il-mekkaniżmu tal-COLA. 

Dan jaħdem billi tingħata żieda kkalkulata fuq kemm tkun għoliet b’mod perċentwali l-ispiża fuq il-basket ta’ spiża tal-familja medja f’pajjiżna. 

Iżda l-basket ta’ spiża ta’ familja medja huwa differenti minn dak ta’ familja bi dħul baxx jew minn dak tal-pensjonanti.

Per eżempju il-familji bi dħul baxx bħala medja jonfqu 30% tal-basket ta’ spiża tagħhom fuq ikel mentri familja medja tonfoq 20%.

Li jfisser li għal familja bi dħul baxx, bidla fil-prezz tal-ikel hija aktar importanti milli tkun għal familja medja.

L-istess għall-pensjonanti. Dawn jonfqu relattivament aktar fuq il-mediċini u l-ikel milli tonfoq familja medja.

Fid-dawl ta’ dan, filwaqt li jibqa’ fis-seħħ il-mekkaniżmu tal-COLA, il-Gvern daħħal mekkaniżmu addizzjonali bħala Benefiċċju għall-Ogħli tal-Ħajja.

Pensjonant li jirtira fl-età tal-pensjoni jista’ jagħżel li jkompli jaħdem. F'din iċ-ċirkostanza, jekk il-pensjonant huwa impjegat part-time, jista’ jkun intitolat għad-differenza fil-ħlas tal-bonuses statutorji minn dak imħallas minn min iħaddem. Dan japplika ukoll għall-benefiċjarji li jirċievu Assistenza għal Diżabilità Severa u jaħdmu part-time. Dawk il-benefiċjarji li jirċievu Tnaqqis Gradwali tal-Benefiċċju mhumiex intitulati għal din id-differenza fil-bonuses.

L-Għotja għal Ċittadin Anzjan tingħata lil anzjani li għandhom ħamsa u sebgħin (75) sena jew aktar u

• għadhom jgħixu fid-dar tagħhom  jew mal-qraba tagħhom, jew

• jgħixu fi djar residenzjali privati li huma barra mill-iskema tal-Public Private Partnership.

Sabiex tiġi implimentata waħda mill-miżuri mħabbra fil-Baġit għas-sena 2025, il-Prim Ministru, il-Ministru għall-Finanzi u l-Ministru għall-Politika Soċjali u d-Drittijiet tat-Tfal, fasslu skema biex tipprovdi għotja ta’ darba għal persuni li:

• kienu impjegati mal-Korporazzjoni Telemalta bejn l-1 ta’ Jannar 1978 u l-15 ta’ Jannar 1979 (iż-żewġ dati inklużi)

• ma kkwalifikawx jew mhux se jikkwalifikaw għal pensjoni simili għal dik li tingħata lill-impjegati tal-Gvern.

Tifsir

“perjodu effettiv” tfisser il-perjodu bejn l-1 ta’ Jannar 1978 u l-15 ta’ Jannar 1979.

Sabiex tiġi implimentata waħda mill-miżuri mħabbra fil-Baġit għas-sena 2025, il-Prim Ministru, il-Ministru għall-Finanzi u l-Ministru għall-Politika Soċjali u d-Drittijiet tat-Tfal, fasslu skema biex tipprovdi għotja ta’ darba għal persuni li:

• kienu fl-impjieg mar-Rediffusion Group of Companies li ġew assimilati mill-Korporazzjoni Telemalta u individwi oħra li kienu impjegati fid-diviżjoni tax-xandir tal-korporazzjoni qabel l-1 ta’ Jannar 1978.
• ma kkwalifikawx jew mhux se jikkwalifikaw għal pensjoni simili għal dik li tingħata lill-impjegati tal-Gvern.

L-Iskema ta’ Distribuzzjoni tal-Ikel, jew kif inhi magħrufa aħjar bħala l-SFFD, tingħata lin-nies li huma l-iktar fil-bżonn jew vulnerabbli. L-iskema hi immirata biex tilħaq firxa wiesa’ ta' nies fil-bżonn jew vulnerabbli. Dawk li qed jibbenefikaw mill-Proġett ta’ Sapport Food 4 You li huwa kofinanzjat mill-Fond Socjali Ewropew+ tal-Unjoni Ewropea ma jkunux eliġibbli biex jibbenifikaw ukoll mill-Iskema ta’ Distribuzzjoni tal-Ikel.

Familji li huma eleġibbli għal din l-iskema se jingħataw pakkett/i tal-ikel skond id-daqs tal-familja flimkien mal-appoġġ soċjali meħtieġ.

Din l-iskema, minbarra li toffri għajnuna materjali lil dawk li huma l-aktar fil-bżonn jew vulnerabbli,  tikkontribwixxi wkoll għat-tnaqqis tal-faqar u l-esklużjoni soċjali.