ID login

Inklużjoni, Ugwaljanza u Ħarsien Soċjali

X’qed tfittex?

One Stop Shops
fil-qalba tal-komunità

Avviż

Eżenzjoni għal Ħaddiema Ċittadini ta' Pajjiżi Terzi milli jirreġistraw taħt l-Att tas-Sigurtà Soċjali (DSS)

Il-persuni ħaddiema ċittadini ta’ pajjiżi terzi impjegati jistgħu jitolbu li jkunu eżentati milli jirreġistraw f'Malta taħt l-Att dwar is-Sigurtà Soċjali (Kap. 318.), sakemm ikunu qegħdin iħallsu kontribuzzjonijiet tal-istat f’pajjiżhom.

Ċertifikat ta’ Eżenzjoni jinħareġ mid-Dipartiment tas-Sigurtà Soċjali li jeżenta liċ-ċittadini ta’ pajjiżi terzi impjegati milli jirreġistraw f'Malta.
Eżenzjoni minn Ħlas ta' Kontribuzzjonijiet tas-Sigurtà Soċjali tal-Klassi 2 (DSS)

Persuna tista’ tiġi eżentata milli tħallas Kontribuzzjonijiet tas-Sigurtà Soċjali tal-Klassi 2 (Kontribuzzjonijiet imħallsa minn persuni li jaħdmu għal rashom) minħabba dħul baxx. L-ebda krediti mhu se jingħataw għal perjodu ta' eżenzjoni.
Eżenzjoni minn Ħlas tal-Parti tal-Prinċipal tal-Kontribuzzjonijiet tas-Sigurtà Soċjali minn Anzjani jew Persuni b'Diżabilità u li jimpjegaw Carer (DSS)

Persuna anzjana jew persuna b’diżabilità li timpjega carer, bħala l-impjegat, jista’ jitlob li jkun eżentat milli jħallas is-sehem tiegħu tal-Kontribuzzjonijiet tas-Sigurtà Soċjali bħala prinċipal li jħaddem carer. Minkejja dan, min iħaddem carer, xorta għandu jħallas il-Kontribuzzjonijiet tas-Sigurtà Soċjali tal-carer bħala l-impjegat.
Ħlas ta' Kontribuzzjonijiet Neqsin tas-Sigurtà Soċjali (DSS)

Din l-iskema hija maħsuba għar-residenti Maltin jew persuni reġistrati taħt l-Att dwar is-sigurtà soċjali Maltija (Kap. 318.). L-applikanti eliġibbli jistgħu jħallsu b’lura kontribuzzjonijiet tas-Sigurtà Soċjali li huma nieqsa mill-istorja tal-kontribuzzjoni rispettiva tagħhom.
Ħlas ta’ Kontribuzzjonijiet tas-Sigurtà Soċjali Neqsin – Allowance għal Carer u Allowance Miżjuda għal Carer (DSS)

Din hija skema li jistgħu jibbenefikaw minnha residenti Maltin li huma assigurati f’Malta għal skop ta’ Sigurtà Soċjali, fejn applikanti jkunu jistgħu iħallsu kontribuzzjonijiet tas-Sigurtà Soċjali li jkunu neqsin mir-rekord kontributorja tas-Sigurta’ Soċjali tagħhom. L-għan ta’ din l-iskema hu li jippermetti lill-applikanti, jew, li jikkwalifikaw għall-penzjoni kontributorja, jew inkella biex itejbu ir-rata kurrenti jew prospettiva tal-penzjoni tagħhom.
Ħlas ta’ Kontribuzzjonijiet tas-Sigurtà Soċjali Neqsin - Invalidità (DSS)

Din hija skema li jistgħu jibbenefikaw minnha residenti Maltin li huma assigurati f’Malta għal skop ta’ Sigurtà Soċjali; fejn applikanti jkunu jistgħu iħallsu kontribuzzjonijiet tas-Sigurtà Soċjali li jkunu neqsin mill-istorja kontributorja tagħhom. L-għan ta’ din l-iskema hu li jippermetti lill-applikanti, jew, li jikkwalifikaw għall-penzjoni kontributorja, jew inkella biex itejbu ir-rata kurrenti jew prospettiva tal-penzjoni tagħhom.
Ħlas ta’ Kontribuzzjonijiet tas-Sigurtà Soċjali Neqsin – JobsPlus1990 (DSS)

Din hija skema li jistgħu jibbenefikaw minnha residenti Maltin li r-rekords uffiċjali jindikaw li kienu f’impjieg qabel it-twaqqif tal-Korporazzjoni tax-Xogħol u t-Taħriġ (illum Jobsplus) fl-1990; iżda li ma jkunx instab ħjiel li tħallsu kontribuzzjonijiet tas-sigurtà soċjali fl-istess perjodu. L-għan ta’ din l-iskema hu li jippermetti lill-applikanti, biex jikkwalifikaw għall-penzjoni minima kontributorja, minħabba li ma jkollhomx il-minimu neċessarju ta’ kontribuzzjoni tas-Sigurtà Soċjali biex jikkwalifikaw għall-istess pensjoni minima.
Ħlas ta’ Kontribuzzjonijiet tas-Sigurtà Soċjali Neqsin għal Perjodu ta’ Xogħol fil-Libja (DSS)

Din hija skema li jistgħu jibbenefikaw minnha residenti Maltin li huma assigurati f’Malta għal skop ta’ Sigurtà Soċjali; fejn applikanti jkunu jistgħu jħallsu kontribuzzjonijiet tas-Sigurtà Soċjali li jkunu neqsin mill-istorja kontributorja tagħhom. Dawn il-kontribuzzjonijiet neqsin iridu jkunu f’perjodu/i ta’ impjieg fil-Libja bejn l-1990 u l-2018. L-għan ta’ din l-iskema hu li jippermetti lill-applikanti, jew, li jikwalifikaw għall-penzjoni kontributorja, jew inkella biex itejbu r-rata kurrenti jew prospettiva tal-penzjoni tagħhom.
Ħlas Volontarju ta’ Kontribuzzjonijiet tas-Sigurtà Soċjali tal-Klassi 1 (DSS)

Il-Ħlas Volontarju tal-kontribuzzjonijiet tas-Sigurtà Soċjali tal-Klassi 1, jsir sabiex ikun evitat li jkun hemm nuqqasijiet fil-lista tal-kontribuzzjonijiet tas-sigurtà soċjali. Ir-rata massima tal-kontribuzzjonijiet tas-Sigurtà Soċjali tal-Klassi I titħallas skont l-Artikolu 13.1 taħt l-Att dwar is-Sigurtà Soċjali (Kap. 318.)
Ħlas Volontarju ta’ Kontribuzzjonijiet tas-Sigurtà Soċjali tal-Klassi 2 (DSS)

Il-Ħlas Volontarju tal-kontribuzzjonijiet tas-Sigurtà Soċjali tal-Klassi 2 jsir sabiex ikun evitat li jkun hemm nuqqasijiet fil-lista tal-kontribuzzjonijiet tas-sigurtà soċjali.

© Servizz.gov 2025