Il-Pensjoni tal-Invalidità tista’ tingħata lil individwi li jkunu ċċertifikati bħala inkapaċi li jkomplu fl-impjieg tagħhom bħala impjegati jew f’attività ta’ xogħol għal rashom minħabba marda serja, diżabilità fiżika jew diżabilità mentali. L-eliġibbiltà hija suġġetta ukoll għall-kundizzjonijiet meħtieġa tal-kontribuzzjonijiet tas-sigurtà soċjali kif stipulat taħt l-Att dwar is-Sigurtà Soċjali (Kap. 318.).
Din il-pensjoni tista’ tingħata wkoll lil persuna li kellha talba għal Benefiċċju ta' Korriment aċċettata u ġiet iċċertifikata li sofriet aktar minn 90% diżabilità li tirriżulta mill-istess korriment jew marda li bdiet minn, jew matul l-impjieg tagħha jew okkupazzjoni.
Jekk l-applikant/a j/tingħata l-Pensjoni tal-Invalidità, jingħataw Krediti tas-Sigurtà Soċjali meta isir l-assessjar għat-talba tal-pensjoni tal-irtirar.
L-applikant/a j/trid j/tkun issottometta/iet mill-anqas sitt (6) xhur ċertifikati mediċi blu lid-Dipartiment tas-Sigurtà Soċjali għall-invalidità tiegħu/tagħha, qabel tiġi sottomessa t-talba għall-Pensjoni tal-Invalidità.
Għal dawk l-applikanti li jkunu impjegati mal-gvern, l-ewwel jiġu msejħin mill-Bord tad-Dipartiment tal-People and Standards (P&SD), u sussegwetament it-talba tagħhom titressaq quddiem il-Bord tad-Dipartiment tas-Sigurtà Soċjali.
Għal informazzjoni dwar sitwazzjonijiet transkonfinali ikklikkja hawn.
