Permezz ta’ dan is-servizz tista’ tbiddel jew taġġorna d-Dettalji Bankarji kif miżmuma mid-Dipartiment tas-Sigurtà Soċjali ta’ kif titħallas għall-benefiċji. Jekk preżentament tirċievi l-pagamenti tal-benefiċji permezz ta’ ċekk, trid tbiddel id-dettalji sabiex tibda tirċievi l-pagament b’depożitu dirett fil-kont bankarju tiegħek. Jekk preżentament diġà qiegħed titħallas permezz ta’ depożiti bankarji diretti, tista’ tbiddel kemm il-bank kif ukoll in-numru tal-kont (Numru Internazzjonali tal-Kont Bankarju - IBAN).
Tista’ tagħżel ukoll li tirċievi notifika permezz ta’ SMS bid-data tad-depożitu tal-benefiċċju tiegħek. Minn dan is-servizz ma tistax tbiddel id-dettalji sabiex titħallas permezz ta' ċekk.
B’dan is-servizz, ser ikollok aċċess għall-punti li ġejjin:
Faċilità sabiex tbiddel id-dettalji bankjari hekk kif miżmuma mid-Dipartiment tas-Sigurtà Soċjali online.
Faċilità sabiex tbiddel il-metodu tal-pagament tiegħek minn ċekk għal depożitu dirett fil-kont bankarju tiegħek.
Faċilità sabiex tirċievi notifika permezz ta’ SMS biex tkun infurmat bid-data tad-depożitu tal-benefiċċju tiegħek.
Jekk tawtentika bil-e-ID tiegħek,, jekk inti ċittadin li inti rreġistrat mad-Dipartiment tas-Sigurtà Soċjali bħala Aġent jew Amministratur fuq benefiċjarju, għandek il-faċilità li tista’ temenda d-dettalji bankarji tal-benefiċjarju li int resposabbli għalih/a.
Kriterji ta’ eliġibbiltà ġenerali:
Rekwiżiti
Biex tuża dan is-servizz ikollok bżonn:
Informazzjoni Addizzjonali
Il-kont tal-bank indikat irid ikun Kont ta’ Tfaddil jew Kurrenti, iżda mhux Kont ta' Self.
Il-kont tal-bank indikat irid ikun f’isem il-benefiċjarju/a, jew f’isem l-amministratur tal-benefiċjarju/a reġistrat/a mad-dipartiment. Jekk l-isem abbonat man-numru tal-kont tal-bank ma jaqbilx ma’ dak tal-benefiċjaru/a, il-probabilità hija li l-bank jirrifjuta t-transazzjoni tal-ħlas.
Jekk persuna mhix preżentament benefiċjarja, iżda hija reġistrata taħt l-Att dwar is-Sigurtà Soċjali, id-dettalji bankarji miżmuma mid-Dipartiment xorta jridu jiġu aġġornati u l-kont bankarju indikat irid ikun f'isem il-persuna reġistrata.
Il-kont indikat jintuża ukoll għall-benefiċċji oħra li l-benefiċjarju/a i/tkun qeda titħallas għalihom.
Jekk il-benefiċjarju/a ikollu/ha sekwestru tal-bank, għandu/ha j/tkellem il-bank preferut dwar l-emenda għall-Artikolu 381 tal-Kodiċi ta' Organizzazzjoni u Proċedura Ċivili (Kap. 12.), biex ikollu/ha kont bankarju maħruġ f'ismu/ha kif meħtieġ.
Skont Artikolu 381(1)(b) 381 tal-Kodiċi ta' Organizzazzjoni u Proċedura Ċivili (Kap. 12.), ma jistgħux jinħarġu mandati ta’ sekwestru fuq - benefiċċju, pensjoni, allowance jew għajnuna msemmija fl-Att dwar is-Sigurtà Soċjali jew pensjoni privata jew kwalunkwe pensjoni, benefiċċju jew allowance oħra maħruġa mill-Gvern jew gvern barrani ieħor: Iżda fil-każ ta’ pensjonijiet privati u pensjonijiet maħruġa minn gvernijiet barranin, l-ammont li mhux sekwestrabbli m’għandux jeċċedi l-ammont stabbilit għall-ogħla pensjoni maħruġa mill-Gvern.
Meta Pagament ma jkunx Riċevut
Jekk id-depożitu fil-kont bankarju ma jiġix iffinalizzat minħabba numru tal-kont ħażin jew għeluq tal-kont, il-benefiċjarju għandu jinnotifika lid-Dipartiment tas-Sigurtà Soċjali immedjatament online. Il-proċedura hija din li ġejja:
Id-Dipartiment tas-Sigurtà Soċjali jinnotifika lill-Bank dwar it-tranżazzjoni.
Il-Bank iwettaq il-verifiki meħtieġa biex jispeċifika r-raġuni għaliex it-tranżazzjoni ma ġietx iffinalizzata.
Jekk it-tranżazzjoni tiġi approvata, għandu jingħata numru tal-kont tal-Bank alternattiv mill-benefiċjarju/a biex l-ħlas jiġi pproċessat.
Din il-proċedura normalment tieħu minn għaxra (10) sa ħmistax-il (15) ġurnata biex tigi pproċessata.
