Inklużjoni, Ugwaljanza u Ħarsien Soċjali

agħżel il-funzjoni

• Appell kontra Deċiżjoni

• Assistenza Medika

• Benefiċċji għall-Familja

• Benefiċċji mhux Kontributorji

• Ftehimiet Bilaterali

• Għotjiet, Bonuses u Skemi

• Kontribuzzjonijiet tas-Sigurtà Soċjali

• Min Iħaddem

• Pensjonijiet Kontributorji

• Reġistrazzjoni Taħt l-Att dwar is-Sigurtà Soċjali

• Servizzi

• Xogħol, Inċentivi u Benefiċċji tal-Qgħad

• Kalkulatur għall-Pensjoni tar-Romol (DSS)

  B`mod faċli, il-kalkulatur tal-kontribuzzjoni tagħna għall-pensjoni tar-romol jista' jagħtik stima tal-intitolament għall-pensjoni f’każ li tormol. L-istima tingħata mil-lum. Dan il-kalkulatur onlajn huwa maħsub biss sabiex jagħti indikazzjoni approssimattiva tal-benefiċċju tal-pensjoni tiegħek ta’ armel/la.

• Kontribuzzjonijiet tas-Sigurtà Soċjali — Ħidma fl-UE (DSS)

  Ir-regoli tal-koordinazzjoni tas-sigurtà soċjali tal-UE jinkludu sett ta’ regolamenti li jippermettu lill-istituzzjonijiet tas-sigurtà soċjali jiddeterminaw il-leġiżlazzjoni applikabbli għal individwi f’sitwazzjoni transkonfinali li tinvolvi żewġ pajjiżi jew aktar. Ladarba jiġi determinat, il-pajjiż responsabbli għall-kopertura tas-sigurtà soċjali joħroġ Dokument Portable A1, li jiċċertifika l-kompetenza tiegħu f'dan ir-rigward.

   

  L-għan tagħna huwa li nissimplifikaw l-ammont ta’ xogħol amministrattiv għal min iħaddem u nħeġġuhom jissodisfaw l-obbligi tas-sigurtà soċjali tagħhom. B’din l-Għodda ta’ Self-Assessment issir taf jekk bħala persuna li tħaddem jew taħdem għal rasha, intix obbligat li tħallas kontribuzzjonijiet tas-sigurtà soċjali f’Malta għall-impjegati tiegħek, jew għalik innifsek, meta taħdem f’sitwazzjoni transkonfinali bejn żewġ pajjiżi jew aktar tal-UE.

• Kontribuzzjonijiet tas-Sigurtà Soċjali - Nieqsa (DSS)

  Dan is-servizz huwa maħsub biex jiggwidak tidentifika nuqqasijiet fil-Kontribuzzjonijiet li għandek fil-lista ta' Kontribuzzjonijiet tas-Sigurta Soċjali tiegħek u x'azzjonijiet tista' tieħu biex tindirizzahom.

  Jekk wara l-età ta’ 16-il sena kien hemm perjodi li ma kontx taħdem bi qligħ, jew ma kontx tgħix f’Malta, jew kont uffiċjalment eżentat milli tħallas il-Kontribuzzjonijiet tas-Sigurtà Soċjali, huwa normali li jkollok Kontribuzzjonijiet tas-Sigurtà Soċjali neqsin f’dawn il-perjodi indikati.

• Kontribuzzjonijiet tas-Sigurtà Soċjali - Rekord (DSS)

  Permezz ta’ dan is-servizz tista’ tara lista ta' Kontribuzzjonijiet tas-Sigurtà Soċjali mħallsa tiegħek. Kontribuzzjonijiet tas-Sigurtà Soċjali għas-sena l-oħra jiġu murija f’Diċembru tas-sena ta’ wara. Għal kull sena mħallsa jigu murija dawk il-kategoriji ta’ Kontribuzzjonijiet tas-Sigurtà Soċjali u krediti ta’ Klassi 1 li jirreferu għal persuni mpjegata, kif ukoll Kontribuzzjonijiet tas-Sigurtà Soċjali u krediti ta’ Klassi 2 / Klassi 3 li jirreferu għal persuni li jaħdmu għalihom infushom / jimpjegaw lilhom infushom.

• Pagamenti tas-Sigurtà Soċjali (DSS

  Dan is-servizz huwa ddisinjat għall-benefiċjarji tas-Sigurtà Soċjali li jridu jaraw u jsegwu d-dettalji tal-pagamenti tagħhom. Jipprovdi ħarsa dettaljata u komprensiva tal-Pagamenti tas-Sigurtà Soċjali kollha riċevuti matul l-aħħar ħames (5) snin. Kemm jekk tirċievi pagament b'Ċekk, Kreditu Dirett jew Kreditu ta' Benefiċċju tal-Enerġija, dan is-servizz jippermettilek taċċessa d-dettalji tal-pagamenti tiegħek faċilment.

• Pensjonijiet tas-Servizz (DSS)

  Pensjoni tas-Servizz tingħata lil:

   

  • Persuna li tkun bdiet taħdem mas-Servizz Pubbliku ta’ Malta qabel il-15 ta’ Jannar 1979 f’kariga pensjonabbli taħt l-Ordinanza dwar il-Pensjonijiet (Kap. 93.).
  • Membri tal-Korp tal-Pulizija taħt l-Att dwar il-Pulizija (Kap. 164.)
  • Membri tal-Forzi Armati ta’ Malta taħt l-Att dwar il-Forzi Armati ta’ Malta (Kap. 220.)
  • Membri tal-Protezzjoni Ċivili taħt l-Att dwar il-Protezzjoni Ċivili (Kap. 411.).
  • Membri tas-Servizz Korrettivi taħt l-Att dwar il-Ħabs (Kap. 260.).
  • Nisa romol ta’ uffiċjali pubbliċi li kienu f’kariga pensjonabbli u li kienu jikkontribwixxu għal din l-iskema tar-Romol u Orfni taħt l-Att dwar il-Pensjonjiet lil Nisa Romol u Tfal Iltiema (Kap. 58.).
  • Membri Parlamentari taħt l-Att dwar il-Pensjoni tal-Membri tal-Parlamnt (Kap. 280.).
  • Membri tal-Ġudikatura u l-Avukat Ġenerali taħt l-Att dwar il-Pensjonijiet tal-Membri tal-Ġudikatura (Kap. 564.).
  • Segretarju tal-Kabinett taħt l-Ordinanza dwar il-Pensjonijiet (Kap.93.).
  • Segretarji Permanenti taħt l-Ordinanza dwar il-Pensjonijiet (Kap.93.).

• Rati tal-Benefiċċji (DSS)

  Tista’ tara l-informazzjoni dwar ir-Rati ta’ Benefiċċji tas-sigurtà soċjali li int intolat/a għalihom, u huma organizzati skont il-grupp. L-informazzjoni mogħtija dwar ir-Rati tal-Benefiċċji hija tal-aħħar ħames (5) snin, u tinkludi sal-aħħar tas-sena kurrenti. Ir-rati tal-benefiċċji tas-sigurtà soċjali huma murija f'ordni kronoloġika u japplikaw kemm għall-koppji, kif ukoll għal persuni waħedhom.

• Skema ta’ Benefiċċji għal Aċċidenti Personali fuq ix-Xogħol

  L-iSkema ta’ Benefiċċji għal Aċċidenti Personali fuq ix-Xogħol, li ġiet varata mill-Ministeru għall-Finanzi mfl-1 ta’ Mejju 2019, tintuża sabiex jingħata kumpens lill-Impjegati ta’ Dipartimenti u Entitajiet tas-Servizz Pubbliku li jidhru fi Skeda A tal-iSkema, f’każ ta’ mewt jew diżabilità permanenti kkawzati minn aċċident waqt qadi ta’ xogħol jew servizz fuq il-post tax-xogħol.

• Social Work – Anzjanità Attiva u Kura fil-Komunità

  L-għan tas-servizz Social Work hu li jipprovdi sapport emozzjonali, gwida u assistenza lill-anzjani sabiex jibqgħu jgħixu ħajja attiva fil-komunità. Dan is-servizz jittratta ma’ każijiet ta’ xogħol soċjali, jipprovdi sapport lil klijenti, jiffaċilita l-immaniġġjar ta’ għajnuna personali, pjanijiet ta’ azzjoni, intervent fejn ikun hemm każ ta’ kriżi, assessjar fuq Home Help Service, u jsir koordinazzjoni ma’ sptarijiet ġerjatriċi u sptarijiet ta’ rijabilitazzjoni.

  Rapporti fuq anzjani li għandhom kundizzjoni akuta u li jgħixu f’dar residenzjali huma wkoll parti minn dan is-servizz. It-Taqsima tas-Social Work, li tieħu ħsieb dan is-servizz, tinvestiga każijiet soċjali u tieħu azzjoni kif meħtieġ. Din it-taqsima tikkoordina wkoll mad-Dipartiment tas-Saħħa, il-pulizija, il-kunsilli lokali, il-kappillani u organizzazzjonijiet oħra fil-komunità.

• Talba għall-Investigazzjoni dwar Osservanza ta’ Benefiċċji (DSS)

  Jekk għandek raġuni biex temmen li persuna tista’ tkun qed tikkommetti Frodi tal-Benefiċċju tas-Sigurtà Soċjali, tista’ tirrapporta dan il-ksur lit-Taqsima tal-Osservanza dwar Benefiċċji li tifforma parti mid-Diviżjoni għall-Għajnuna Finanzjara u Investigazzjonijiet. Tista’ tagħżel li tagħmel rapport anonimu.

• 1
• 2
• 3

next