Inklużjoni, Ugwaljanza u Ħarsien Soċjali

L-enfasi ta’ dan is-servizz hu li jgħatti viżabilità kemm lill-benefiċjarji, kif ukoll l-applikanti, dwar f’hiex waslu l-applikazzjonijiet jew benefiċċji applikati għalihom, ta’ dawn l-aħħar tnax-il (12) xahar. Dan jinkludi ukoll dettalji dwar benefiċċji li huma kurrenti u attivi, kif ukoll dawk li għadhom pendenti u li qed jistennew assessjar u awtorizzazzjoni mid-Dipartiment tas-Sigurtà Soċjali.

Id-Dipartiment tas-Sigurtà Soċjali (DSS) joffri firxa usa ta’ applikazzjonijiet u servizzi online biex jiffaċilita l-aċċess għall-benefiċċji u servizzi varji. Dawn is-servizzi huma iddisinjata biex jgħinu lill-individwi u familji f’sitwazzjonijiet diversi tal-ħajja, biex jiġi żgurat li l-ipproċessar tal-applikazzjonijiet ikunu fil-ħin u effiċjenti. Kemm jekk l-applikazzjoni tkun relatata mal-irtirar, maternità, diżabilitità jew xi benefiċċji soċjali ieħor, il-pjattaforma online tagħna tagħmilha aktar faċli għalik biex tapplika u tirċievi s-sapport li jkollok bżonn. Id-Dipartiment tas-Sigurtà Soċjali għamilha faċli għaċ-ċittadini biex jaċċessaw l-applikazzjonijiet u s-servizzi online kollha f'post wieħed. Meta tikklikkja fuq il-link ipprovdut, tiġi dirett għal-lista kollha tal-applikazzjonijiet u servizzi b’mod alfabetiku mingħajr ma jkollok għalfejn tinnaviga permezz ta’ folji ta’ informazzjoni għal kull applikazzjoni jew servizz individwali.

L-għajnuna hija disponibbli għall-app tas-servizzi online mySocialSecurity. Kemm jekk għandek bżonn gwida dwar l-aċċess għal servizz online jew jekk għandek suġġeriment biex taqsam magħna, l-għajnuna esperta hija klikk 'l bogħod. Kull ma trid huwa li tibbukkja appuntament għal sejħa bil-Microsoft Teams. Membru infurmat mit-tim tal-Unità għall-Immaniġjar tal-Informazzjoni jipprovdi assistenza u jwieġeb kwalunkwe mistoqsija li jista' jkollok.

Jekk inti benefiċjarju tas-sigurtà soċjali għal pensjoni tal-irtirar, pensjoni tal-invalidità, jew pensjoni tar-romol mħallsa mid-Dipartiment tas-Sigurtà Soċjali ta’ Malta u bħalissa qed tgħix u titħallas barra l-pajjiż tista’ tiġġenera ċ-ċertifikat tar-rata tal-benefiċċju online.

Permezz ta' dan is-servizz, wieħed jista' jsib id-dati li fihom kull u kwalunkwe benefiċċju maħruġ mid-Dipartiment tas-Sigurtà Soċjali huwa mħallas. Il-medda tad-dati hija għas-sena kurrenti.

Permezz ta’ dan is-servizz tista’ tbiddel jew taġġorna d-dettalji bankarji kif miżmuma mid-Dipartiment tas-Sigurtà Soċjali ta’ kif titħallas għall-benefiċji. Jekk preżentament tirċievi l-pagamenti tal-benefiċji permezz ta’ ċekk, trid tbiddel id-dettalji sabiex tibda tirċievi l-pagament b’depożitu dirett fil-kont bankarju tiegħek. Jekk preżentament diġà qiegħed titħallas permezz ta’ depożiti bankarji diretti, tista’ tbiddel kemm il-bank kif ukoll in-numru tal-kont (Numru Internazzjonali tal-Kont Bankarju - IBAN).

Tista’ tagħżel ukoll li tirċievi notifika permezz ta’ SMS bid-data tad-depożitu tal-benefiċċju tiegħek. Minn dan is-servizz ma tistax tbiddel id-dettalji sabiex titħallas permezz ta' ċekk.

B’dan is-servizz, persuna tista’ taċċessa u tara l-informazzjoni personali tagħha li bħalissa hija miżmuma mid-Dipartiment tas-Sigurtà Soċjali (DSS). Madankollu, huwa importanti li wieħed jinnota li l-informazzjoni personali ma tistax tiġi emendata permezz ta’ dan is-servizz. Dan ifisser li persuna  għandha tirrevedu bir-reqqa l-informazzjoni ppreżentata biex tiżgura li hija preċiża u aġġornata.