Ħarsa ġenerali​

L-Assistenza għal Diżimpjieg tista’ tingħata lil Kap tal-Familja li jkun qed jirreġistra għax-xogħol taħt il-Parti 1 tar-Reġistru tad-Diżimpjieg.

X’se tingħata

L-Assistenza għal Diżimpjieg titħallas kull ġimgħa.

L-Assistenza għal Diżimpjieg tingħata lil Kap tal-Familja fir-rigward tiegħu u l-membri l-oħra li jiffurmaw parti mill-familja li tgħix fid-dar.

L-Assistenza titħallas b’rata sħiħa jekk l-applikant huwa persuna waħdu u qed jgħix waħdu. Mill-banda l-oħra, jekk persuna qed jgħix ma’ xi ħadd ieħor li huwa qarib (eskluż il-ġenitur/i), l-applikant ikun intitolat bir-rata ta’ 75% tar-rata tal-Assistenza għal Diżimpjieg.

Agħfas hawn għal Skeda ta’ Rati ta’ Benefiċċji u Assistenzi.

Eliġibbiltà​​

• L-applikant huwa l-Kap tal-Familja.

• L-applikant irid ikun qed jirreġistra għax-xogħol taħt il-Parti 1 tar-Reġistru tad-Diżimpjieg.

• L-applikant għandu jissodisfa t-Test tal-Mezzi Kapitali. Ir-riżorsi kapitali għal koppja m'għandhomx jaqbżu €23,300 u €14,000 għal persuna waħda.

• Kull dħul li ġej minn Kirjiet; Interessi Bankarji minn Kapital; Stokks u Ishma; Manteniment u kwalunkwe Dħul ieħor derivat, m'għandux jeċċedi r-rata massima ta’ Assistenza għal Diżimpjieg skont il-familja.

Dokumentazzjoni relatata:

- Protezzjoni u Privatezza tad-Data
- Ċertifikat Mediku
- Ċertifikazzjoni tal-Ispeċjalista
- Dikjarazzjoni ta’ Kera
- Dikjarazzjoni ta’ Riżorsi Kapitali
- Dikjarazzjoni dwar Kompożizzjoni tal-Familja
- Dikjarazzjoni ta’ Korraborazzjoni
- Dikjarazzjoni Konġunta
- Manwal ta' Użu

Kif tapplika​

Imla l-formola onlajn u ibgħatha.
applika