ID login

Inklużjoni, Ugwaljanza u Ħarsien Soċjali

X’qed tfittex?

One Stop Shops
fil-qalba tal-komunità

Avviż

Sir Sid Darek

L-għan tal-Iskema huwa li tassisti persuni li minkejja li huma eliġibbli għal self għad-dar m'għandhomx il-likwidità meħtieġa biex iħallsu l-ħlas meħtieġ ta' 10% mal-iffirmar tal-wegħda tal-bejgħ. Waqt li l-applikant se jkun qed iħallas dan is-self personali, l-Awtorità tad-Djar se tkun qed tiffinanzja l-imgħax li jkun ġarrab fuq dan is-self matul il-perjodu kollu.
Skema Home Assist (BOV)

L-Awtorità tad-Djar, b'kollaborazzjoni mal-Bank of Valletta p.l.c (il-Bank) u l-Fondazzjoni għas-Servizzi tal-Ħarsien Soċjali, se tkun qed tipparteċipa fi skema biex tgħin lill-persuni jixtru proprjetà għall-użu residenzjali u personali u b'hekk isiru sidien tad-djar.
Skema għall-first-time buyers

Din l-iskema, Għotja fuq l-Akkwista ta’ Proprjetà hija intiża għal persuni li akkwistaw l-ewwel proprjetà wara l-1 ta’ Jannar 2023. Din l-għotja li ser tammonta għall-għaxart elef ewro (€10,000), ser tingħata fuq medda ta’ għaxar (10) snin lill-applikant. L-għotja se tingħata permezz ta’ pagamenti ta’ elf ewro (€1,000) li se jingħataw darba fis-sena.

B’din l-iskema l-Awtorità tad-Djar ser tagħti nifs qawwi liż-żgħażagħ fl-ewwel snin kruċjali wara li jkunu wettqu dan l-investiment importanti f’ħajjithom u b’hekk tħeġġiġhom isiru sidien ta’ darhom.
Skema Nikru biex Nassistu

Permezz ta’ din l-iskema, l-Awtorità tad-Djar tirċievi offerti mingħand sidien ta’ proprjetà residenzjali vakanti biex jikruha lill-Awtorità tad-Djar għall-iskop ta’ akkomodazzjoni soċjali.
Skema ta’ Installazzjoni ta’ Lifts (Skema LFT)

Din l-iskema tipprovdi opportunità għall-applikanti biex ikomplu jgħixu fid-dar attwali tagħhom, u fl-istess ħin jagħmlu d-dar tagħhom aktar aċċessibbli.

Il-liftijiet huma installati fejn huwa fiżikament possibbli u fi blokki residenzjali tal-Gvern.
Skema ta’ SensAbbiltà (SENS)

L-Iskema ta' SensAbbiltà tipprovdi assistenza finanzjarja għat-tagħmir ta' kamra sensorja għal persuni awtistiċi. Terapista okkupazzjonali jivverifika kull każ u jirrakkomanda x-xogħlijiet iffinanzjati permezz ta' din l-iskema. L-applikazzjoni tista' tiġi ppreżentata mir-rappreżentant relattiv jew legali tal-persuna interessata
Sussidju fuq Xogħlijiet ta' Irranġar u Titjib f'Residenzi okkupati minn Sidien jew Inkwilini

Din l-iskema tgħin sabiex tgħolli proprjetajiet skont l-istandard meħtieġ. Din l-iskema tipprovdi sussidji hekk li l-postijiet ta' residenza li huma jew mikrija mill-privat jew mill-gvern isiru abitabbli skont standards aċċettabbli. Sidien ta' postijiet privati mikrija lil kerrejja jistgħu japplikaw biex jeliminaw kull struttura perikoluża.
Sussidju fuq Xogħolijiet relatati ma' Strutturi Perikolużi fi Proprjetà Privata

L-għan ta’ din l-iskema huwa biex tipprovdi sussidju biex tgħin ċerti inkwilini/ċenswalisti jeliminaw strutturi perikoluzi fir-residenza tagħhom mikrija jew mogħtija lilhom b’ ċens mill-privat qabel l-1 ta’ Ġunju 1995.
Test mir-Reasonableness Board (TORB)

L-għan ewlieni tal-Kummissjoni għad-Drittijiet ta’ Persuni b’Diżabilità (CRPD) hija li tissalvagwardja l-Att dwar Opportunitajiet Indaqs (Persuni b’Diżabilità) (Kap. 413.) tal-Liġijiet ta’ Malta. Ma tinvolvix biss l-investigazzjoni tal-ilmenti riċevuti għal soluzzjoni possibbli, iżda tinvolvi ruħha kontinwament biex toffri pariri dwar l-implimentazzjoni u l-infurzar tal-Att, kemm lill-persuni b’diżabilità u lill-membri tal-familja tagħhom (dawk affettwati direttament), kif ukoll lil persuni oħra fis-soċjetà li fuqha l-Att jimponi ċerti obbligi (dawk affettwati indirettament).

Il-Bord li Jiddetermina x’Inhu Raġonevoli (TORB) huwa bord li jopera skont Artiklu 20 tal-istess Att u responsabbli li jestabilixxi r-raġonevolezza ta’ kull azzjoni li għandha ssir minn persuna skont id-dispożizzjonijiet tal-Att jew tal-UNCRPD inkluż kull alterazzjoni, tibdil u/ jew għoti ta’ servizzi u faċilitajiet u jekk dawk l-azzjonijiet ikunux jistgħu jitwettqu mingħajr ma jġibu piż mhux ġustifikat.

© Servizz.gov 2025