Trasport u Komunikazzjoni

Transport Malta teħtieġ ċertifikat tal-kondotta mill-Pulizija f'dawn iċ-ċirkustanzi:
i) Meta l-applikanti japplikaw għal Liċenzja ta' Operatur.
ii) Għal Operator Licence verification (wara 5 snin).
iii) Bidla fil-Manager/Direttur/rappreżentant legali tal-operatur.

Dikjarazzjoni ta' diversi impenji meħtieġa biex tinħareġ ir-reġistrazzjoni ta' Open Top Buses.

Permezz ta' din il-formola, persuni li jkollhom liċenzja tas-sewqan jistgħu jagħmlu tibdiliet, bħalma huma bidla fl-indirizz, kunjom, ritratt jew firma.

L-iskop ta' din l-applikazzjoni hu li tippermetti lil min diġà għandu permess ta' learner biex japplika għal test prattiku fil-kategorija li jkun applika għaliha. Li timla din il-formola jfisser li klijent ikun lest li jagħmel it-test mal-instructor/skola li jkun għażel u jkun lest li jissejjaħ għal test f'kull ħin wara 3 ġimgħat minn meta tasal l-applikazzjoni.

Teżenta lill-applikanti milli jużaw seatbelt għal raġunijiet mediċi. Applikanti għall-ewwel darba jkollhom bżonn firma ta' tabib. Biex iġeddu, ma jkollhomx bżonn ta' firma.

Kull persuna li tittrasferixxi r-residenza minn post barra minn Malta għal Malta tkun intitolata, skont l-Att dwar ir-Reġistrazzjoni u l-Liċenzjar ta’ Vetturi bil-Mutur (Kap. 368), biex tkun eżenti mit-Taxxa ta' Reġistrazzjoni tal-Vetturi bil-Mutur fuq vettura M1 (vettura użata biex iġġorr mhux aktar minn 8 passiġġieri flimkien mas-sewwieq) jew cycle (motor cycles, motor tricycles u quadricycles) li jkunu rreġistrati f'isem dik il-persuna għal perjodu kontinwu ta' mill-anqas 24 xahar minnufih qabel id-data tat-trasferiment tagħha ta' residenza f'Malta.

Din il-formola tintuża biex jitwarrab il-ħlas ta' drittijiet amministrattivi u tal-liċenzja tal-vettura minħabba raġunijiet ġustifikati, bħal:
i) Raġunijiet mediċi.
ii) Safar fit-tul.
iii) Priġunieri u riabilitazzjoni ta' priġunieri
iv) Kontravenzjoniiet li jkunu qed jiġu kontestati
v) Qorti, Subbasta, Mandati, eċċ.
vi) Vetturi skrappjati mill-Gvern jew mill-Pulizija minħabba reat.
vii) Konfiska mill-Pulizija.

B'din il-formola, online users ikunu jistgħu jirreġistraw vettura użata importata minn pajjiż li mhux fl-UE.

Konċessjoni li tirreġistra vettura li jkollha aktar minn 8 seats, barra tas-sewwieq, u tintuża għal kiri jew kumpens, biex tkun irreġistrata minn operatur jew ieħor.

Din il-formola tintuża biex jiġu depożitati dokumenti għal reġistrazzjonijiet ta' vetturi sabiex jiġu proċessati mill-back office.