Garanzija għaż-Żgħażagħ - Verżjoni ta’ Min Iħaddem

Ħarsa ġenerali​

Din l-inizjattiva toffri lill-applikanti ġimagħtejn ta' analiżi sabiex it-trainers u l-psikosoċjali jifhmu l-bżonnijiet ta' kull parteċipant. Wara jkun hemm perjodu ta' 4 ġimgħat taħriġ, fejn il-parteċipanti jagħmlu taħriġ speċifiku li huwa mfassal fuq ir-rapport tal-evalwazzjoni tal-analiżi li jkun inħareġ matul l-ewwel ġimagħtejn. Fl-aħħar l-applikant jiġi offrut xogħol jew opportunità edukattiva għal tnax-il ġimgħa, fuq bażi part-time (20 siegħa fil-ġimgħa). Kull applikant jitħallas biex jattendi u jekk l-applikant jattendi 80% jew aktar tat-total ta' sigħat offruti matul dan il-perjodu ta' 18-il ġimgħa, imbagħad dak il-parteċipant jitħallas total ta' €1,440.

X’se tingħata

Taħriġ bażiku kif ukoll esperjenza ta' xogħol matul it-18-il ġimgħa tal-programm. Parteċipanti jibbenefikaw ukoll minn sapport għax-xogħol maż-żgħażagħ flimkien ma' sapport għal benesseri psikoloġika (jekk meħtieġ). Wara li jlesti l-kors, il-parteċipant jingħata ċertifikat ta' suċċess.

Eliġibbiltà​​

L-applikanti għandhom ikunu:
i) Taħt il-25 sena fix-xahar qabel ma toħroġ is-sejħa għall-applikazzjonijiet.
ii) Residenti Malta jew Għawdex.
iii) Qiegħda.

L-applikanti m'għandhomx ikunu:
i) Irreġistrati mal-MCAST, l-Università ta' Malta, il-Junior College, Higher Secondary jew l-ITS.
ii) Ikollhom kwalifika ċċertifikata mill-MQF f'livell 5 u/jew ogħla.

Kif tapplika​

Imla l-formola onlajn u ibgħatha.
applika