Ħarsa ġenerali
X’ser tingħata
Permezz ta’ din l-iskema persuna tista’ tkun eliġibbli għall-pensjoni kontributorja tas-sigurtà soċjali, jew inkella tikkontribwixxi f’titjib fir-rata ta’ ħlas tal-benefiċċji attwali jew potenzjali.
Id-Dipartiment tas-Sigurtà Soċjali jipproċessa kull applikazzjoni li jirċievi u, apparti minn Rendikont ta’ Arretrati, joħroġ ukoll stima komparattiva tar-rata tal-pensjoni skont l-arretrati mniżżla kemm jekk imħallsa jew le. L-applikanti jiġu nfurmati wkoll formalment jekk l-applikazzjoni tagħhom ġietx irrifjutata jew jekk il-ħlas tal-kontribuzzjonijiet nieqsa eventwalment mhux se jżid ir-rata tal-pensjoni tagħhom.
Mill-2026, dawk li għandhom l-età speċifikata iżda bħalissa mhumiex f’impjieg, kif ukoll ma jikkwalifikawx għal pensjoni tal-irtirar għax m’għandhomx mill-anqas għaxar (10) snin ta’ kontribuzzjonijiet tas-sigurtà soċjali, se jitħallew jagħmlu ħlasijiet retrospettivi biss sabiex ikunu jistgħu jibbenefikaw minn pensjoni tal-irtirar skont il-kontribuzzjonijiet imħallsa u mhux biex ikollok rata aħjar tal-pensjoni.
NOTA IMPORTANTI: Dawk il-persuni li jagħmlu ħlasijiet retrospettivi ta’ kontribuzzjonijiet tas-sigurtà soċjali, jistgħu jingħataw Krediti tat-Tfal biss jekk ikunu għadhom taħt il 65 sena u għadhom jaħdmu fil mument li jsiru l ħlasijiet retrospettivi.
Persuni li ma jkunux f’impjieg waqt li jagħmlu ħlasijiet retrospettivi biex jikkwalifikaw biss għall 10 snin ta’ kontribuzzjonijiet biex jirċievu pensioni tal-irtirar mhumiex eliġibbli għall Krediti tat-Tfal.
Eliġibbiltà
L-applikanti għandhom ikunu normalment residenti f'Malta u reġistrati taħt l-Att tas-Sigurtà Soċjali (Kap. 318.).
L-applikanti għandhom ikunu bl-eta’ ta’ bejn id-disgħa u ħamsin (59) u l-erbgħa u sittin (64) sena, imma jkunu għadhom m’għalqux il-ħamsa u sittin (65) sena.
L-applikanti għadhom attwalment jaħdmu bi qligħ u huma rreġistrati bħala tali mill-Aġenzija tax-Xogħol Jobsplus. Intant, dawk li għandhom l l-età speċifikata iżda bħalissa mhumiex fl-impjieg, kif ukoll ma jikkwalifikawx għal pensjoni tal-irtirar għax m’għandhomx mill-anqas għaxar (10) snin ta’ kontribuzzjonijiet tas-sigurtà soċjali, se jitħallew jagħmlu ħlasijiet retrospettivi biss sabiex ikunu jistgħu jibbenefikaw minn pensjoni tal-irtirar skont il-kontribuzzjonijiet imħallsa u mhux biex ikollok rata aħjar tal-pensjoni.
Minn Jannar 2022 persuni li laħqu l-eta’ ta’ disgħa u ħamsin (59) sena u li jkunu qed jirċievu Pensjoni għall-Invalidità ser ikunu jistgħu iħallsu sa massimu ta’ ħames (5) snin f’kontribuzzjonijiet. Ikklikkja hawn għal aktar informazzjoni.
Persuni li kienu f’impjieg qabel twaqqfet l-Aġenzija JobsPlus fil-1990 u ma jkollhomx rekord li ħallsu l-kontribuzzjonijiet waqt l-istess impjieg, ser jingħataw il-possibiltà li jħallsu sa massimu ta’ ħames (5) snin f’kontribuzzjonijiet nieqsa. Ikklikkja hawn għal aktar informazzjoni.
Skond id-dispożiżżjonijiet ta’ din l-iskema, l-applikanti eliġibbli jistgħu jitħallew iħallsu massimu ta’ mitejn u sittin (260) Kontribuzzjoni tas-Sigurtà Soċjali, li huma ekwivalenti għal ħames (5) snin ta’ assigurazzjoni, li mhux neċessarjament għandhom ikunu jinsabu fl-aħħar ħames (5) snin qabel id-data tal-applikazzjoni. Il-ħlas ta’ arretrati ta’ kontribuzzjonijiet m’huwiex permess għal perjodu meta l-applikant ma kienx normalment residenti f’Malta.
Ir-rata applikabbli dovuta għall-ħlas ta’ Arretrati tal-Kontribuzzjonijiet hija r-rata standard ta’ Klassi 2 (SA) kif applikabbli għas-sena li jkun ser isir il-ħlas.
Kif tapplika
Kronoloġija
Sottomissjoni ta’ Applikazzjoni
Iċċekkjar ta’ Applikazzjoni
Ġurnata
Valutazzjoni ta’ Applikazzjoni
3 ijiem
Approvazzjoni ta’ Applikazzjoni
3 ijiem
Provvista tas-Servizz
12 - il jum
