Esplora l-opportunitajiet ta’ xogħol miftuħa hawn taħt biex issib l-isfida li jmiss tiegħek. Aħna qed infittxu nies motivati biex jingħaqdu mat-tim tagħna u jgħinuna nikbru. Sibt pożizzjoni li tgħodd għalik? Nixtiequ nisimgħu mingħandek.
Din hija opportunità ta’ tmexxija strateġika għal professjonist b’esperjenza fil-qasam tal-ICT biex imexxi u jsaħħaħ id-direzzjoni teknoloġika tal-Aġenzija, filwaqt li jippromwovi t-trasformazzjoni diġitali, l-innovazzjoni u ċ-ċibersigurtà. Il-Kap (ICT) se jkun responsabbli mit-tmexxija u s-superviżjoni ta’ inizjattivi u proġetti strateġiċi tal-ICT, il-governanza tas-sistemi u tat-teknoloġija, il-kontinwità tan-negozju u s-sigurtà tal-informazzjoni.
F’dan ir-rwol, il-persuna magħżula se taħdem mill-qrib mal-Maniġment, ma’ entitajiet tal-Gvern, mal-MITA u ma’ partijiet interessati oħra sabiex tiżgura l-għoti ta’ servizzi effiċjenti, siguri u ta’ kwalità. Ir-rwol jinkludi wkoll il-promozzjoni tal-użu etiku u responsabbli ta’ teknoloġiji emerġenti, fosthom l-intelliġenza artifiċjali u l-awtomazzjoni, kif ukoll il-provvediment ta’ gwida u pariri strateġiċi dwar l-ICT lill-Kap Eżekuttiv u lill-Maniġment.
Deskrizzjoni dettaljata tax-xogħol tista’ tinkiseb hawn taht.
