Ħarsa ġenerali
Dan is-servizz jippermettilek titlob għal aġġornament tad-dettalji personali tiegħek imqabbla ma’ dawk fuq il-Karta tal-Identità Maltija tiegħek, li int stajt identifikajt bħala mhux korretti fuq ir-rekords tad-Dipartiment tas-Sigurtà Soċjali. Tista’ titlob għall-aġġornament tan-numru tal-Karta tal-Identità, n-numru tal-Passaport, tal-isem, kunjom, identifikazzjoni tas-sess, data tat-twelid u stat ċivili. Dan huwa meħtieġ jekk dawn id-dettalji ma jaqblux ma’ dawk li hemm fuq il-Karta tal-Identità tiegħek, peress li jista’ jimpatta ċerta benefiċċji jew servizzi li joffri d-dipartiment. Tista' tara dawn id-dettalji billi tikklikkja hawn u tawtentika bil-e-ID tiegħek.
X’ser tingħata
Tista' titlob li taġġorna d-dettalji li ġejjin skont il-Karta tal-Identità Maltija tiegħek:
Numru tal-Karta tal-Identità.
Numru tal-Passaport (dan mhuwiex parti mid-dettalji li ssib fuq il-Karta tal-Identità Maltija).
Isem u Kunjom.
Identifikazzjoni tas-Sess.
Data tat-twelid.
Stat Ċivili (dan mhuwiex parti mid-dettalji li ssib fuq il-Karta tal-Identità Maltija).
Wara li tissottometti, id-dipartiment jivverifika dawn it-talbiet li għamilt mal-aġenzija governattiva Maltija Identità. Il-verifikazzjoni tista’ tieħu bejn ħames (5) sa għaxart (10) ijiem, skont il-każ. Ladarba jiġu vverifikati u kkonfermati, id-dettalji tiegħek jiġu aġġornati fuq is-sistema tad-Dipartiment tas-Sigurtà Soċjali. Jekk it-talba tiegħek tinkludi l-indirizz tal-email, inti se tiġi notifikat f’kull stadju tal-applikazzjoni tiegħek b’email. Jekk it-talba tiegħek għamiltha f’xi ċentru ta’ Servizz.gov, int tista’ tindika jekk tridx tkun infurmat b’email jew b’numru ta’ kuntatt.
Eliġibbiltà
Trid tkun detentur ta’ Karta tal-Identità Maltija li tispiċċa b’ittri M, G, L, M, P u A jew ta’ Passaport Malti.
Dokumenti Neċessarji
M’hemmx bżonn ta’ dokumentazzjoni jekk it-talba hi għal tibdil fl-Isem, Kunjom, Numru tal-Karta tal-Identità, Identifikazzjoni tas-Sess u Data tat-Twelid.
F’każ li t-talba hi għal tibdil fl-Istat Ċivili, trid tipprovdi dawn li ġejjien:
Ċertifikat taż-Żwieġ jekk iż-żwieġ ma kienx reġistrat mar-Reġistru Pubbliku ta’ Malta, f’każ li qed titlob għal dan it-tibdil.
Kuntratt tad-Divorzju f’każ li qed titlob għal dan it-tibdil.
Kuntratt ta’ Unjoni Ċivili f’każ li qed titlob għal dan it-tibdil.
Kuntratt ta’ Koabitazzjoni f’każ li qed titlob għal tibdil għal koabitazzjoni reġistrata.
M’hemmx bżonn ta’ dokumentazzjoni f’każ ta’ koabitazzjoni mhux reġistrata mar-Reġistru Pubbliku ta’ Malta, peress li d-dipartiment jagħmel il-verifiki meħtieġa minn naħa tiegħu.
M’hemmx bżonn ta’ dokumentazzjoni għal talba ta’ tibdil għal tar-Romol, peress li d-dipartiment jagħmel il-verifiki neċessarju minn naħa tiegħu.
F’każ ta’ talba għal tibdil għal persuna waħeda, hemm bżonn biss tad-data ta’ tibdil f’dan l-istat u d-dipartiment jagħmel il-verifiki neċessaarji minn naħa tiegħu.
Kif tapplika
Imla u ssottometti l-applikazzjoni online.
Kronoloġija
Applikazzjoni ġiet Sottomessa
0 ijiem
Applikazzjoni qed tiġi Proċessata
9 ijiem
Applikazzjoni ġiet Kompluta
Ġurnata
