Ħarsa ġenerali
Il-ħatra ta’ amministratur mad-Dipartiment tas-Sigurtà Soċjali tippermetti li individwu fdat jaġixxi f’isem benefiċjarju/a tas-sigurtà soċjali jew persuna taħt it-tmintax (18) sena, sakemm tiġi pprovduta dokumentazzjoni mitluba. L-amministratur jista’ jimmaġja affarijiet u interessi relatati mas-sigurtà soċjali tal-benefiċjarju/a, sabiex ikun żgurat il-bżonn u drittijiet ikunu protetti.
Ladarba l-Amministratur ikun irreġistrat mad-Dipartiment tas-Sigurtà Soċjali, meta j/tattendi f’xi ċentru ta’ Servizz.gov, għandu/ha dejjem j/tippreżenta dokument ta’ identifikazzjoni validu, bħal Karta tal-Identità Maltija, Liċenzja tas-Sewqan jew Passaport.
X’ser tingħata
Persuna fdata taġixxi f’isem persuna benefiċjarja tas-sigurtà soċjali li teħtieġ rappreżentanza.
L-obbligi ta’ din l-amministrazzjoni fir-rigward tal-affarijiet tas-sigurtà soċajli tal-benefiċjarju jinkludu:
Li jifhem il-bżonnijiet u l-preferenzi speċifiċi tal- benefiċjarju.
Li jaġixxi fl-aħjar interess tal-persuna b'diżabilità jew tal-minuri.
Li jieħu deċiżjonijiet li jippromwovu l-benessri tal-benefiċjarju u jkunu allinjati mal-aħjar interess tiegħu.
Li jinforma lid-Dipartiment tas-Sigurtà Soċjali dwar kwalunkwe tibdil fiċ-ċirkustanza tal-benefiċjarju.
Eliġibbiltà
Ħatra ta’ amministratur mad-Dipartiment tas-Sigurtà Soċjali ta’ Malta tippermetti lil persuna fdata tirrappreżenta legalment persuna oħra jew minorenni taħt it-tmintax-il (18) sena fil-ġestjoni tal-affarijiet tas-sigurtà soċjali tagħhom. Din il-ħatra hija suġġetta għal rekwiżiti legali, li jinkludu s-sottomissjoni ta’ wieħed mid-dokumenti li ġejjin: Prokura Ġenerali, Ordni ta’ Kustodja, jew Ittra ta’ Amministrazzjoni maħruġa bl-ordni tal-Qorti.
Waqt il-verifikazzjoni, id-dettalji tar-rappreżentant/a jiġu rrekordjati fuq is-Sistema tal-Benefiċċji tas-Sigurtà Soċjali bħala amministratur għall-individwu.
Il-Portal Notarili jipprovdi punt ta’ konnessjoni pubbliku biex tkun tista’ tivverifika jekk mandat (prokura ġenerali) għadux attiv jew jekk ġiex itterminat. Il-portal jipprovdu ukoll lista aġġornata ta’ nutara prattikanti f’Malta.
Dokumentazzjoni Meħtieġa
Kopja valida u ċċertifikata ta’ wieħed minn dawn:
Prokura Ġenerali; jew
Ordni ta' Kustodja; jew
Ittra ta' Amministrazzjoni (Ordni tal-Qorti).
Jekk ikunu meħtieġa notifiki, il-benefiċjarju jew l-individwu li qed jitlob li jassumi r-rwol ta’ Amministratur għandu jipprovdi indirizz tal-email.
Kif tapplika
Imla u ssottometti l-applikazzjoni online.
Kronoloġija
Applikazzjoni ġiet Sottomessa
0 ijiem
Applikazzjoni qed tiġi Proċessata
Ġurnata
Valutazzjoni ta’ Applikazzjoni
14 - il jum
