• Persuni b'diżabilità u gwardjani/ġenituri ta’ persuni b'diżabilità.

• Vetturi reġistrati mill-1 ta’ Jannar 2009 ’l hawn, jistgħu ma jikkwalifikawx għall-Eżenzjoni mil-Liċenzja tat-Triq jekk l-emissjonijiet tas-Co2 tal-vettura jaqbżu l-limitu stabbilit (aktar minn 150g/km għal vetturi diesel u aktar minn 180g/km għal dawk petrol). Hija r-responsabilità tal-applikant/a li j/tiċċekkja fuq il-logbook tal-vettura. Dan huwa indikat ukoll fuq l-aħħar paġna tal-applikazzjoni.

• Jekk id-diżabilità tal-persuna bdiet fl-età ta’ 65 sena jew wara, hu/hi għandu jkun ix-xufier tal-vettura sabiex i/tkun j/tista’ j/tibbenefika mill-Eżenzjoni mill-Ħlas tal-Liċenzja tat-Triq fuq il-Vettura. Madankollu, dan ma jgħoddx għal individwi li japplikaw fuq Vetturi Aċċessibbli għas-Siġġu tar-Roti. 
• L-approvazzjoni tal-Eżenzjoni mil-Liċenzja tat-Triq tista’ twassal għal eżenzjoni sħiħa jew eżenzjoni ta’ 50%.
• Barra minn hekk, jekk l-individwu qed japplika għall-ewwel darba, jew jekk il-bżonnijiet tal-vettura nbidlu mill-applikazzjoni preċedenti, ikun hemm bżonn li jattendi għal appuntament ma’ Occupational Therapist għal assessjar. 

Dokumentazzjoni meħtieġa:

• Kopja tal-Karta Ewropea tad-Diżabilità
• Kopja tal-Liċenzja tas-Sewqan (jekk applikabbli)
• Kopja tal-Liċenzja tat-Triq (id-dokument tond li jitpoġġa mal-windscreen tal-vettura) 
• Kopja tal-logbook tal-vettura li ser tiġi eżentata
• Kopji tal-Karti tal-Identità rispettivi, f’każ li ġenituri (carers), jew membri tal-familja tal-ewwel grad ta’ parentela, jew il-konjuġi qegħdin japplikaw f’isem l-applikant, fejn applikabbli.

Imla l-formola onlajn u ibgħatha.