• Il-carer trid tkun qed tieħu ħsieb il-kura ta' qarib wieħed (1) jew tnejn (2) tal-familja waħdu (konjuġi jew tal-ġenitur tagħha; ħuha; oħtha; nannitha; zijuha; zijitha; missier jew omm tar-rispett jew ħuha jew oħtha tar-rispett) li jgħix fl-istess dar kif definit fl-Att dwar is-Sigurtà Soċjali (Kap. 318.).

• Il-carer għandu jkun taħt l-età tal-irtirar.

• Jekk il-carer tkun laħqet l-età tal-irtirar tista tapplika għal dawn l-Allowances jekk tkun qed tieħu ħsieb fuq  bażi full-time u regolarment tal-ġenitur  tagħha,  ħuha, oħtha,  nannitha,  zijuha,  zijitha,  missier  jew  omm  tar-rispett jew ħuha jew oħtha tar-rispett u li tkun qiegħda tgħix fl-istess dar ta’ abitazzjoni ta’ dik il-persuna li tkun carer tagħha. F’dawn il-każijiet, il-carer tiġi medikament assessjata mill-bord multi-dixxiplinarju u trid toqgħod għall-iskrutinju tal-bord mediku fuq bażi regolari kull sena.

• Id-dispożizzjonijiet tal-Artikolu 90 tal-Att dwar is-Sigurtà Soċjali (Kap. 318.) japplikaw "Drittijiet Duplikati", fejn benefiċjarju ma jistax jirċievi żewġ pensjonijiet; benefiċċji; assistenza jew allowance fl-istess ħin, iżda l-aħjar rata ta’ pensjoni; benefiċċju; assistenza jew allowance.

• L-applikazzjoni għal Allowance għal Carer mhux soġġetta għal Test tal-Mezzi.

• Bord Multi Dixxiplinarju jiddeċiedi jekk il-każ in kwistjoni jaqax fil-parametri mediċi għal ħlas ta’ din l-allowance wara valutazzjoni tal-Indiċi Barthel jew l-Eżami tal-Istat Mini-Mentali.

• Jekk il-pazjent ikollu ħamsa u tmenin (85) sena jew aktar, il-carer tingħata awtomatikament l-Allowance għal Carer Miżjuda jekk jiġi stabbilit li l-carer hija verament tieħu ħsieb il-pazjent.

• Jekk il-carer jkun impjegat qabel ma japplika għal Allowance għal Carer, għandu d-dritt għall-krediti tal-Kontribuzzjonijiet tas-Sigurtà Soċjali jekk ikun:

   

  o    ħallas total ta’ mija u sitta u ħamsin (156) kontribuzzjoni tas-sigurtà soċjali; u

   

  o    ħallas jew ġie akkreditat b'medja ta’ mill-inqas ħmistax-il (15) kontribuzzjoni tas-sigurtà soċjali kull sena minn meta kiseb it-tmintax-il (18) sena tiegħu.

• Persuni singoli li jkunu jgħixu għal rashom fuq l-assistenza soċjali u jmorru jgħixu ma qarib anzjan/a biex jieħdu ħsiebu/ha, jekk jikkwalifikaw għal Allowance għal Carer, sa llum ikollhom tnaqqis fid-dħul tagħhom.  Mill-1 ta’ Jannar 2023, dawn il-persuni xorta jibqgħu jirċievu l-istess ammont ta’ benefiċċju li kienu jirċievu qabel.

Dokumentazzjoni meħtieġa

• Żewġ (2) dokumenti huma meħtieġa li jittellgħu mal-applikazzjoni. Dawn jinkludu r-Rapport Mediku u l-Punteġġ tal-Indiċi Barthel għal kull pazjent li l-applikant qed jitlob li jieħu ħsieb.

Imla u ibgħat l-applikazzjoni online.