L-eliġibbiltà hija bbażata fuq skont l-impjieg, in-nazzjonalità, ir-residenza u r-rekwiżiti tad-dokumentazzjoni. It-test tal-mezzi ma japplikax.
 

Kundizzjonijiet ġenerali: 

• L-applikanti għandhom ikunu ċittadini Maltin, miżżewġin/jgħixu f’koabitazzjoni ma’ ċittadin Malti, ċittadini tal-UE, ċittadini ta’ pajjiżi li huma membri taċ-Ċarter Soċjali Ewropew, jew persuni bi status ta’ refuġjat li normalment jirrisjedu f’Malta jew Għawdex.

• Benefiċjarji taħt iċ-Ċarter Soċjali u refuġjati għandhom jissottomettu Permess validu ta’ Residenza.

• Ċittadini ta’ Pajjiżi Terzi (TCNs) għandhom jippreżentaw Karta ta’ Residenza Maltija li turi Permess validu ta’ Residenza.

• TCNs miżżewġin ċittadini tal-UE għandhom jippreżentaw ċertifikat taż-żwieġ uffiċjali.

• TCNs li jgħixu f’koabitazzjoni ma’ ċittadini Maltin jew tal-UE għandhom jippreżentaw Ċertifikat ta’ Koabitazzjoni rreġistrat. Dan ma japplikax għal ċittadini Maltin/UE li jaħdmu f’Malta.

• Applikanti li jaħdmu għalihom infushom għandhom jissottomettu riċevuti tal-kontribuzzjonijiet tas-sigurtà soċjali għas-sena ta’ qabel il-pretensjoni, kif ukoll dikjarazzjoni li tikkonferma t-tmintax il (18) ġimgħa sħaħ ta’ leave mingħajr ħlas għall-maternità jew tal-adozzjoni.

• Għalliema li jitħallsu għall-vaganzi tas-sajf huma eliġibbli għall-Benefiċċju għal-Leave tal-Maternità u għall-Benefiċċju għal-Leave tal-Adozzjoni u għandhom jissottomettu ittra mill-uffiċċju tar-Riżorsi Umani (HR) li tikkonferma l-perjodi ta’ leave meħuda matul is-sajf.

• Jekk it-tarbija titwieled barra minn Malta, huwa meħtieġ ċertifikat uffiċjali tat-twelid barrani.

Benefiċċju għall-Maternità

• L-applikanta trid tkun fit-tmien (8) xahar tat-tqala jew tkun welldet fi żmien sitt (6) xhur qabel id-data tal-pretensjoni.

• Hija meħtieġa dikjarazzjoni medika ffirmata li tikkonferma li l-omm tkun daħħlet fit-tmien (8) xahar tat-tqala u tindika d-data mistennija tat-twelid.

• Jekk l-applikanta kienet impjegata qabel it-twelid, min iħaddimha għandu jimla d-dikjarazzjoni meħtieġa. Ikklikkja hawn biex tniżżel id-dikjarazzjoni li trid timtela mit-tabib u minn min iħaddem, jekk applikabbli.

Benefiċċju għal-Leave tal-Maternità

• L-applikanta trid tkun gawdiet l-erbatax il (14) ġimgħa sħaħ ta’ leave għall-maternità imħallas minn min iħaddimha. Id-Dipartiment iħallas il-ġimgħat li jifdal, sa massimu ta’ erba’ (4) ġimgħat.

• Applikanti li jaħdmu għalihom infushom li jieħdu t-tmintax il (18) ġimgħa sħaħ jistgħu jirċievu ż-żewġ benefiċċji.

• Applikanti b’aktar minn impjieg wieħed, kemm jekk full time, part time jew każwali, għandhom jipprovdu dikjarazzjonijiet minn kull impjegatur fejn juru l-leave meħud, perjodi ta’ leave mingħajr ħlas u d-dati tar-ritorn għax-xogħol. Ikklikkja hawn biex tniżżel din id-dikjarazzjoni għal kull min iħaddem li l-applikanta hija/kienet impjegata miegħu matul il-perjodu tal-benefiċċju għal-leave tal-maternità.

Benefiċċju tal-Adozzjoni u Benefiċċju għal-Leave tal-Adozzjoni

• Applikanti impjegati ma jridux ikunu gawdew leave tal-adozzjoni imħallas minn min iħaddimhom.

• Għandu jiġi pprovdut ċertifikat uffiċjali tal-adozzjoni u ċ-ċertifikat tat-twelid tat-tifel/tifla.

• Jekk l-applikant ikun impjegat, trid tiġi sottomessa dikjarazzjoni ta’ erbatax il (14) ġimgħa ta’ leave mingħajr ħlas tal-adozzjoni.

• Applikanti b’aktar minn impjieg wieħed għandhom jissottomettu dikjarazzjonijiet minn kull impjegatur.

• L-għalliema għandhom jipprovdu ittra mill-HR li tikkonferma l-leave tal-adozzjoni meħud matul ix-xhur tas-sajf.

• Fil-każ ta’ ġenituri li iffosterjaw u wara jadottaw it-tifel/tifla li jkunu qed jieħdu ħsieb, l-Allowance tal-Foster Care titnaqqas gradwalment fuq erba’ (4) snin, fejn jibda minn 80%, 60%, 40% u 20% fl-aħħar tar-raba’ sena, jew sakemm it-tifel/tifla jagħlaq/tagħalaq wieħed u għoxrin (21) sena, skont liema jseħħ l-ewwel.

• Ikklikkja hawn biex tniżżel id-dikjarazzjoni għal kull min iħaddem li l-applikant huwa/kien impjegat miegħu matul il-leave jew benefiċċju għal-leave tal-adozzjoni.

• Benefiċċju għall-Maternità: Fi żmien sitt (6) xhur mit-twelid tat-tarbija.

• Benefiċċju għal-Leave tal-Maternità: Wara t-tmintax il (18 il) ġimgħa ta’ leave tal-maternità iżda qabel ma jgħaddu sitt (6) xhur mid-data tat-twelid tat-tarbija.

• Benefiċċju tal-Adozzjoni: Wara li jinħarġu d-dokumenti kollha tal-adozzjoni jew fi żmien sitt (6) xhur mid-data uffiċjali tal-adozzjoni.

• Benefiċċju għal-Leave tal-Adozzjoni: Wara t-tmintax il (18 il) ġimgħa ta’ leave tal-adozzjoni iżda qabel ma jgħaddu sitt (6) xhur mid-data uffiċjali tal-adozzjoni.

Applikazzjonijiet sottomessi tard jistgħu jwasslu għal telf parzjali jew sħiħ tad-dritt għall-benefiċċju.
 

Imla u ssottometti l-applikazzjoni online.