Ħarsa ġenerali
Din l-applikazzjoni tippermetti lill-applikanti jirreġistraw l-art agrikola tagħhom billi jiddikjaraw li huma responsabbli għall-kultivazzjoni tagħha mad-Direttorat tal-Agrikoltura. L-applikazzjonijiet jiġu riveduti skont ir-regolamenti u l-kundizzjonijiet applikabbli, u r-reġistrazzjoni tiġi kkonfermata ladarba r-rekwiżiti kollha jiġu ssodisfati u t-talba tkun ġiet ipproċessata.
X’ser tingħata
Iċ-ċertifikat u l-pjanta tas-sit mid-Direttorat tal-Agrikoltura magħruf ukoll bħala ċ-ċertifikat u l-pjanti tas-sit mill-LPIS.
Eliġibbiltà
Kwalunkwe persuna li bħalissa hija responsabbli għall-kultivazzjoni jew il-manutenzjoni ta’ art agrikola.
Kif tapplika
Timla l-formola elettronika skont l-istruzzjonijiet u r-rekwiżiti pprovduti.
Dokumenti meħtieġa:
Pjanta tas-sit tal-art agrikola (Pjanta tas-sit tal-LPIS maħruġ mid-Direttorat tal-Agrikoltura jew mill- ARPA, jew inkella pjanta tas-sit mir-Reġistru Uffiċjali tal-Artijiet)
Ġurament, mimli u ċċertifikat minn nutar (it-template tal-ġurament tista’ tinstab hawn)
Dokumenti li juru x’tip ta’ dritt jew titlu għandek fuq l-art agrikola, bħal pereżempju kuntratt, testment jew irċevuti tal-kera (qbiela)
Dikjarazzjoni tan- Nitrati
F’ċerti każi, kopja tal-Karta tal-Identita’ tista’ tintalab bħala parti mill-proċess ta’ mili tal-formola elettronika
Kronoloġija
Sottomissjoni ta’ Applikazzjoni
Ġurnata
Iċċekkjar u Approvazzjoni tal-Applikazzjoni
7 ijiem
Provvista tas-Servizz
3 xhur
