Ħarsa ġenerali
Il‑Life Skills Lab 2026 huwa programm tas‑sajf strutturat u b’xejn offrut minn Aġenzija Żgħażagħ, imfassal biex jagħti sapport fl‑iżvilupp personali taż‑żgħażagħ f’ambjent sigur, attraenti u sorveljat b’mod professjonali. Permezz ta’ firxa wiesgħa ta’ attivitajiet — dawn jinkludu programmi ta’ ħiliet tal‑ħajja, klabbs tematiċi, bootcamps, programmi li huma akkreditati u esperjenzi residenzjali — iż‑żgħażagħ jiġu mħeġġa jiżviluppaw il‑kunfidenza fihom infushom, ir‑reżiljenza u ħiliet essenzjali għall‑ħajja ta’ kuljum.
Is‑servizz jiffoka fuq l‑iżvilupp tal‑komunikazzjoni, il‑ħidma f’tim, it‑tmexxija, il‑kreattività, l‑għarfien diġitali u l‑ħsieb kritiku permezz ta’ tagħlim prattiku u esperjenzi kollaborattivi. L‑attivitajiet kollha jitwasslu minn youth workers kwalifikati li jipprovdu gwida, appoġġ u mudelli pożittivi. Il‑programm jippromwovi wkoll l‑inklużjoni, ir‑rispett, il‑benesseri u ċ‑ċittadinanza attiva, u jiżgura li kull parteċipant iħossu apprezzat u mogħti is-sapport meħtieġ.
Dan is‑servizz se jsir fiċ‑ċentri kollha ta’ Aġenzija Żgħażagħ li jinsabu ġewwa Santa Venera, l-Msida, l-Qawra, MCAST Paola, iċ‑Ċentru tal‑Attivitajiet ta’ Marsaxlokk u Ħad Dingli; u Għajnsielem Għawdex.
Għal aktar informazzjoni tista’ tagħfas fuq din il-ħolqa - Life Skills Lab Information Sheet
X’ser tingħata
- Ħiliet prattiċi tal‑ħajja li jappoġġjaw l‑iżvilupp personali u soċjali permezz ta’ esperjenza hands-on.
- Ambjent sigur li jrawwem il‑kunfidenza, sens ta’ appartenenza, l‑espressjoni personali u l‑benesseri.
- Gwida minn youth workers li tiżgura kwalità fil-presentazzjoni, inkoraġġiment u mudelli pożittivi.
- Opportunitajiet kreattivi u kollaborattivi li jsaħħu l‑komunikazzjoni, it‑tmexxija, il‑ħidma f’tim u l‑ħiliet tas‑soluzzjoni tal‑problemi.
- Esperjenzi sinifikanti li jsaħħu r‑reżiljenza, l‑għarfien personali, it‑tħejjija għall‑futur u l‑impenn fil‑komunità.
Eliġibbiltà
Żgħażagħ bejn it‑12 u s‑16‑il sena
Kif tapplika
L‑applikazzjonijiet għandhom jintbagħtu online permezz tal‑formola uffiċjali ta’ applikazzjoni:
https://forms.office.com/e/aXLM0zjrCQ
Kronoloġija
Imla l-formola tal-Applikazzjoni Online
Analiżi tal Applikazzjoni minn Aġenzija Żgħażagħ
2 ijiem
Notifika ta’ Konferma
2 ijiem
Attendenza u Parteċipazzjoni
2 ijiem
