Ħarsa ġenerali
Dan is-servizz huwa maħsub għal dawk li jridu japplikaw għall- eżamijiet tal-Edexcel.
L-eżamijiet tal-Edexcel jinkludu l-livell tal-IGCSE (qabel magħruf bħala Livell Ordinarju) u l-livell tal-IAL (qabel magħruf bħala Livell Avvanzat) biss.
X’ser tingħata
Il-pubbliku ġenerali huma mogħtija l-opportunità li japplikaw għall-eżamijiet tal-Edexcel.
Eliġibbiltà
Il-pubbliku ġenerali.
Kif tapplika
Ir-reġistrazzjonijiet għas-sessjoni tal-eżamijiet Edexcel London ta’ Ottubru/Novembru 2026 ser ikunu miftuħa kif ġej:
Perjodu tal-applikazzjonijiet: 20/07/2026 – 27/07/2026
Żidiet jew kanċellazzjonijiet (bl-email*): 30/07/2026 – 31/07/2026
Applikazzjonijiet tard ONLINE: 07/08/2026 – 10/08/2026
Applikazzjonijiet tard ħafna ONLINE: 28/08/2026 – 31/08/2026
Applikazzjonijiet għal Arranġamenti ta’ Aċċess (bl-email*): 20/07/2026 – 10/08/2026
* Ibgħat email lil: raiza.mizzi@gov.mt
Telefon: 25982952
Għal aktar tagħrif u sabiex tapplika għal dawn l-eżamijiet, ġentilment żur is-sit elettroniku tagħna: www.myexams.gov.mt.
Il-kandidati li għandhom kont tal-e-ID Malti jaċċessaw is-sit elettroniku hawn u jdaħħlu d-dettalji tal-e-ID tagħhom u jagħżlu “Edexcel London” skont kif applikabbli.
Id-dettalji personali li huma disponibbli mill-e-ID jimtlew awtomatikament, għalkemm il-persuna li qed tapplika jkollha ċ-ċans temenda l-indirizz. Dettalji adizzjonali jiġu miżjuda mill-persuna li qed tapplika.
Il-kandidati jridu jagħżlu jekk hux qed japplikaw permezz tal-iskola tagħhom (f’każ tal-istudenti tal-Form 5) jew inkella bħala kandidati privati.
Fil-każ ta’ persuni li qed jissottomettu applikazzjoni għall-eżamijiet tal-Edexcel għall-ewwel darba, dawn għandhom jagħżlu “no” għall-Unique Candidate Identifier (UCI).
Wara jridu jagħzlu s-suġġetti kollha applikabbli billi jagħżlu “add subject” wara kull suġġett.
Meta l-persuna li qed tapplika tkun sodisfatta li s-suġġetti magħżula huma kollha elenkati b’mod korrett, hija tagħfas “submit” u tipproċedi bil-pagament.
Dokumenti meħtieġa
Karta tal-Identità Maltija u li jkollok kont tal-e-ID Malti.
Kronoloġija
Sottomissjoni ta’ Applikazzjoni
Iċċekkjar ta’ Applikazzjoni
Ġurnata
Provvista tas-Servizz
Ġurnata
