Ħarsa ġenerali
L-għan tal-Awtorità tad-Djar huwa li tagħti għajnuna lil persuni b'diżabilità biex jagħmlu r-residenza tagħhom adegwata għall-bżonnijiet tagħhom jew biex jikkonvertu parti mill-bini eżistenti sabiex il-persuna b'diżabilità tgħix b'mod indipendenti jew semi-indipendenti qrib il-familja.
Din l-iskema tipprovdi li, qabel ma tingħata assistenza finanzjarja, l-Awtorità tagħti pariri tekniċi fir-rigward tan-natura tax-xogħlijiet ta' adattament, li jeħtieġ li jitwettqu għall-aħjar benefiċċju għall-applikant jew għall-persuna b'diżabilità.
X’ser tingħata
L-iskema tad-Diżabilità tipprovdi assistenza finanzjarja sabiex proprjetà tkun tista' tiġi adattata għall-bżonnijiet ta' persuni b'diżabilità, bħal permezz tal-installazzjoni ta' chairlift jew l-installazzjoni ta' kamra tal-banju aċċessibbli għas-siġġu tar-roti. ·Individwi bi dħul annwali ta' inqas minn €50,000 u assi b'valur ta' inqas minn €150,000 jistgħu japplikaw għal assistenza finanzjarja permezz ta' din l-iskema.
Eliġibbiltà
Kif tapplika
Imla u ssottometti l-applikazzjoni online.
Hemm tariffa amministrattiva ta’ €20.00 li ma tingħatax lura meta tissottometti applikazzjoni.
Kronoloġija
Sottomissjoni ta’ Applikazzjoni
Iċċekkjar ta’ Applikazzjoni
5 ijiem
Ipproċessar ta’ Applikazzjoni
Xahrejn
Provvista tas-Servizz
Ġurnata
