Tnaqqis Gradwali tal-Benefiċċji - Persuna Impjegata (DSS)

Ir-rata tat-Tnaqqis Gradwali tal-Benefiċċji mogħtija hija persentaġġ ta’ l-aħħar rata ta’ Benefiċċju Soċjali mogħti bl-esklużjoni ta’ bonuses:

• 75% tar-rata tal-benefiċċju għall-ewwel sena.

• 55% tar-rata tal-benefiċċju għat-tieni sena.

• 35% tar-rata tal-benefiċċju għat-tielet sena.

• 25% tar-rata tal-benefiċċju mħallsa lil min iħaddem għal perjodu massimu ta’ tliet (3) snin, safejn il-benefiċjarju jibqa’ impjegat mat-tali min iħaddem.

Il-benefiċjarji jitħallsu kull erbgħa (4) ġimgħat b’lura u min iħaddem jitħallas kull tnax-il (12) ġimgħa b’lura.

Jekk benefiċjarju li jkun qed jirċievi it-Tnaqqis Gradwali tal-Benefiċċji jispiċċa mingħajr xogħol, il-benefiċju jiġi mwaqqaf kemm għall-benefiċjarju kif ukoll għal min iħaddem. Jekk il-benefiċjarju jerġa jibda xogħol ieħor, it-Tnaqqis Gradwali tal-Benefiċċji jitkompla jingħata minn meta twaqqaf il-benefiċju. F’dan il-każ, il-benefiċjarju jrid jissottometti applikazzjoni ġdida flimkien mad-dikjarazzjoni tal-prinċipal il-ġdid li se jibda jirċievi l-25% tar-rata tal-benefiċju għall-kumplament taż-żmien tat-Tnaqqis Gradwali tal-Benefiċji.

Ladarba jgħaddu t-tliet (3) snin tal-iskema tat-Tnaqqis Gradwali tal-Benefiċċji, il-benefiċjarju jista’ jkun eliġibbli għall-Benefiċċju ta’ Waqt ix-Xogħol, jekk jibqa’ f’impjieg.

Kwalunkwe’ bonuses statutorji jridu jitħallsu minn min iħaddem li jkun qed jirċievi t-Tnaqqis Gradwali tal-Benefiċji. Il-benefiċjarju li jkun fl-iskema tat-Tnaqqis Gradwali tal-Benefiċji ma jistax jagħmel talba għad-differenza tal-bonuses statutorji lid-Dipartiment tas-Sigurtà Soċjal, jekk il-benefiċjarju huwa mpjegata part-time jew fuq ħinijiet imnaqqsa.

Tista’ tagħmel użu minn Kalkulatur online sabiex tagħmel stima għall-intitolament tat-Tnaqqis Gradwali tal-Benefiċċji.