Ħarsa ġenerali
L-Allowance Supplimentari tista’ tingħata lil persuna waħeda, li taħdem bi dħul baxx, li ma tkunx qed tirċievi Allowance tat-Tfal u mhux responsabbli tal-familja li tgħix magħha. Din l-allowance hija maħsuba sabiex tgħin lill-persuna eliġibbli tlaħħaq mar-rekwiżiti tad-dħul tagħha.
Minn Jannar 2026, dawk il‑benefiċjarji li għandhom aktar minn ħamsa u sittin (65) sena, issa se jkunu awtomatikament intitolati għall‑Għajnuna Medika b’xejn (Karta r-Roża) mingħajr ma jkollhom jgħaddu minn test tal‑mezzi għaliha.
X’ser tingħata
Il-pagamenti għal din l-Allowance jitħallsu kull tlettax-il (13) ġimgħa bil-quddiem.
Ikklikkja hawn għal Skeda tar-Rati tal-Benefiċċji.
Eliġibbiltà
Persuna waħedha li mhix responsabbli tal-familja li tgħix magħha, qed tgħix mal-ġenituri tagħha, filwaqt li tkun qiegħda taħdem bi qligħ.
Id-dħul totali li għandu jiġi kkalkolat m'għandux jaqbeż erbatax-il elf ewro (€14,000).
Il-limitu tad-dħul huwa bbażat fuq id-dħul u l-emolumenti għas-sena relevanti (datata b’lura b’sentejn mid-data tal-intitolament); id-dħul minn pensjoni barranija tas-sena ta’ qabel l-applikazzjoni u d-dħul minn pensjoni lokali tas-sena kurrenti tal-applikazzjoni.
Dokumentazzjoni meħtieġa
Jekk l-applikant/a huwa/hija impjegata, FS3 tas-sena rilevanti ta’ kull impjieg, kemm jekk full-time kif ukoll part-time, u li trid tkun iffirmata mill-prinċipal.
Jekk l-applikant/a huwa/hija j/taħdem għal rasu/ha, il-kontijiet tal-Qligħ u t-Telf, li jinkludu riċevuti ta’ kontribuzzjonijiet tas-sigurtà soċjali imħallsa tas-sena relevanti.
• F’każ ta’ diretturi / azzjonisti maġġuri ta’ kumpaniji, il-Kontijiet Finali ivverifikati, li jinkludu ukoll riċevuti tal-kontribuzzjonijiet tas-sigurtà soċjali imħallsa.
F’każ ta’ separazzjoni jew divorzju, kuntratt tas-separazzjoni jew divorzju jridu jiġi pprovduti.
Kopja tal-passaport, jekk l-applikant/a kellu/ha perjodu ta’ aktar minn tliet (3) xhur residenti barra minn Malta.
Dokument ta’ prova jekk l-applikant/a qiegħed / qiegħdha fuq leave mingħajr ħlas mix-xogħol.
Kif tapplika
Imla u ssottometti l-applikazzjoni online.
