Ħarsa ġenerali
L-għan tal-Winter (Saturdays) Catch-Up Programme 2026-27 huwa li jgħin lill-istudenti li jeħtieġu ftit aktar għajnuna u reviżjoni fl-istudji tagħhom. Dan il-programm jagħti ukoll opportunità ta’ reviżjoni lil dawk li jixtiequ jirrevedu u jħossuhom aktar kunfidenti matul is-sena skolastika. Il-programm huwa maħsub għall-istudenti mill-1 sal-11-il sena u huwa miftuħ għall-istudenti kollha ta’ Malta u Għawdex.
Il-Catch-up Classes jipprovdu opportunità ta’ reviżjoni fis-suġġetti ewlenin li jkunu saru matul is-sena skolastika preċedenti. Dawn il-lezzjonijiet qed jiġu provduti u mgħallma minn għalliema kwalifikati lill-istudenti kollha fi gruppi żgħar kemm f’livell primarju kif ukoll f’dak sekondarju. Il-programm huwa mifrux fuq tletin ġimgħa mill-14 ta’ Novembru sal-5 Ġunju ta’ kull nhar ta Sibt filgħodu mid-9:00 sa 12:00 (nofsinhar).
X’ser tingħata
Il-Winter (Saturdays) Catch-Up Programme 2026-27 huwa inizjattiva f’forma ta’ lezzjonijiet fiżikament u online maħsuba biex tappoġġja lill-istudenti mill-ewwel sena tal-iskola Primarja sal-ħdax-il sena tal-iskola sekondarja permezz ta’ reviżjoni u biex jgħinhom jiksbu aktar kunfidenza fl-istudji tagħhom. Il-programm huwa mifrux fuq tletin ġimgħa.
Tul tal-Programm
Dati: Is-Sibt, 14 ta’ Novembru 2026 – Is-Sibt, 5 ta’ Ġunju 2027
Skeda: Kull nhar ta’ Sibt filgħodu għal 30 ġimgħa
Ħinijiet tal-Ftuħ taċ-Ċentri
Ċentri Primarji: 9:00 ta’ filgħodu – 12:00 ta’ nofsinhar
Ċentri Sekondarji: 9:00 ta’ filgħodu – 12:00 ta’ nofsinhar
Ċentri Fiżiċi (In-Person Centres)
Primarji (Mill-1 sena sas-6):
Skola Primarja Marsascala (San Ġwakkin)
Skola Primarja Raħal Ġdid (Paola)
Skola Primarja Santa Venera
Skola Primarja Mosta (Skola Sekondarja Lily of the Valley)
Skola Primarja Rabat Għawdex
Sekondarji (Mis-7 sal-10 sena):
Skola Sekondarja Mosta (Lily of the Valley) - (Mis-7 sal-10 sena)
Ċentri Virtwali (Online)
Skola Primarja Virtwali (Mill-1 sena sas-6)
Skola Sekondarja Virtwali (Mis-7 sal-11-il sena)
Għalliema Kwalifikati
Il-lezzjonijiet jingħataw minn għalliema kwalifikati u li għandhom warrant tat-tagħlim.
Suġġetti Offruti
L-istudenti se jkopru dawn is-suġġetti:
Matematika, Malti, Ingliż, Xjenza u Fiżika.
Kif għandek tapplika
L-applikazzjonijiet jiġu pproċessati fuq bażi ta’ min japplika l-ewwel.
Ladarba l-klassijiet jimtlew, l-istudenti se jiġu poġġuti fuq lista ta’ stennija u jiġu kkuntattjati skont il-possibbiltà ta’ post.
Il-programm huwa bla ħlas.
Eliġibbiltà
Il-programm huwa miftuħ għall-istudenti kollha tal-iskejjel Pubbliċi, tal-Knisja u Indipendenti kemm f’Malta kif ukoll f’Għawdex.
Kull applikazzjoni tiġi kkunsidrata u evalwata skont il-bżonnijiet u ċ-ċirkostanzi individwali tal-istudent, b’referenza għall-IEP u għal kwalunkwe informazzjoni rilevanti oħra.
Jekk applikazzjoni ma tiġix aċċettata, id-deċiżjoni tiġi spjegata bil-miktub, b’raġunijiet ċari li jkunu marbuta direttament mal-każ individwali tal-istudent.
Kif tapplika
L-applikazzjonijiet jistgħu jsiru online permezz tal-link hawn taħt:
https://workflow.gov.mt/eservice/S11513?language=en
L-applikazzjonijiet jiġu aċċettati fuq bażi ta’ min japplika l-ewwel, jinqeda l-ewwel. Jekk jogħġbok innota li s-sottomissjoni ta’ applikazzjoni ma tiggarantixxix awtomatikament l aċċettazzjoni fil-programm. L-applikazzjonijiet kollha se jiġu riveduti, u l-ġenituri jiġu kkuntattjati kif xieraq dwar ir-riżultat.
