Ħarsa ġenerali
Din l-applikazzjoni qed tiġi sottomessa skont id-dispożizzjonijiet tal-Att dwar il-Professjoni tas-Servizz Soċjali (Kap. 468.). Hija indirizzata lil persuni li jixtiequ jiksbu warrant sabiex jipprattikaw bħala Ħaddiema Soċjali Reġistrati f’Malta.
Il-proċess tal-applikazzjoni jippermetti lill-Bord dwar il-Professjoni tax-Xogħol Soċjali jivvaluta u jivverifika jekk l-applikanti jissodisfawx ir-rekwiżiti legali u professjonali stipulati. Dawn jinkludu pussess ta’ kwalifiki rikonoxxuti, osservanza ta’ standards etiċi, u kompetenza adegwata biex jipprattikaw il-professjoni. Il-warrant jista’ jingħata kif ġej:
wara li l-applikant ikun ipprattika bħala ħaddiem soċjali f’Malta għal perjodu ta’ sentejn; jew
permezz tar-rikonoxximent ta’ warrant ta’ Ħaddiem Sojali miksub f’pajjiż ieħor tal-Unjoni Ewropea.
L-għoti ta’ warrant jikkonferixxi fuq l-applikant id-dritt legali li jipprattika bħala Ħaddiem Soċjali Reġistrat f’Malta, suġġett għal konformità kontinwa mal-Att, mal-leġiżlazzjoni sussidjarja applikabbli u ma’ kwalunkwe politika rilevanti, inklużi r-rekwiżiti tal-politika dwar l-Iżvilupp Professjonali Kontinwu (CPD).
X’ser tingħata
Applikanti li jirnexxu, jirċievu komunikazzjoni uffiċjali mill-Bord dwar il-Professjoni tax-Xogħol Soċjali li tikkonferma l-approvazzjoni tal-applikazzjoni tagħhom, flimkien man-Numru tal-Warrant assenjat. Dan in-numru jikkostitwixxi l-identifikatur uffiċjali tar-reġistrazzjoni professjonali tal-ħaddiem soċjali.
L-ittra ta’ approvazzjoni tindika wkoll:
id-data tal-ewwel tiġdid tal-warrant; u
l-għadd ta’ punti CPD li għandhom jiġu akkumulati sa dik id-data.
Wara l-ewwel tiġdid, il-warrant għandu jiġi mġedded kull sentejn skont il-politika dwar l-Iżvilupp Professjonali Kontinwu (CPD).
Fil-każ li applikazzjoni ma tiġix approvata, il-Bord jinnotifika lill-applikant kif xieraq. Dan jista’ jinkludi:
stedina għal laqgħa sabiex jiġu diskussi kwalunkwe nuqqasijiet jew kwistjonijiet identifikati; jew
notifika formali ta’ rifjut.
Applikanti li l-applikazzjoni tagħhom ma tkunx approvata jistgħu jikkuntattjaw lill-Bord sabiex jitolbu kjarifika addizzjonali dwar id-deċiżjoni meħuda.
Eliġibbiltà
Persuna tista’ tikkwalifika għall-ħruġ ta’ warrant jekk tissodisfa l-kundizzjonijiet li ġejjin:
tkun ċittadin Malti jew inkella jkollha d-dritt legali li taħdem f’Malta skont il-liġi; u
tkun ta’ kondotta tajba; u
għandha isimha mniżżla fir-reġistru ta’ Ħaddiema Soċjali Irreġistrati; u
tkun fil-pussess ta’ Grad bl-Unuri fis-Servizz Soċjali mogħti mill-Università ta’ Malta, mill-Kulleġġ Malti tal-Arti, ix-Xjenza u t-Teknoloġija (MCAST), jew ta’ kwalifika akkademika oħra li l-Bord iqis bħala ekwivalenti; u
tissodisfa lill-Bord li tkun kisbet esperjenza adegwata fil-prattika tal-professjoni tas-servizz soċjali għal perjodu aggregat ta’ mill-inqas sentejn fuq bażi full-time, jew l-ekwivalenti tiegħu fuq bażi part-time, wara li tkun temmet tali grad jew kwalifika professjonali oħra, taħt is-superviżjoni ta’ ħaddiem soċjali reġistrat. (Att dwar il-Professjoni tas-Servizz Soċjali, 2003, Artikolu 3(3)).
tkun applikat għall-ħruġ tal-warrant fi żmien disgħin (90) jum minn meta tkun kisbet l-esperjenza professjonali adegwata, skont il-paragrafu immedjatament preċedenti; u
tissodisfa lill-Bord li ma kien hemm ebda mġiba professjonali ħażina, negliġenza gravi jew inkompetenza, u li ma jkunx kiser il-kodiċi tal-etika stabbilit taħt dan l-Att.
Dokumenti Mitluba
Ċertifikat maħruġ mill-MQRIC li jikkonferma l-kisba ta’ kwalifika akkademika ta’ Ħaddiem Soċjali minn istituzzjoni rikonoxxuta ta’ Livell 6 jew ogħla.
Transkript uffiċjali tal-kwalifika akkademika.
Ċertifikat tat-tlestija tal-kwalifika akkademika.
Dokumentazzjoni li tikkonferma l-prattika tal-professjoni tal-Ħaddiem Soċjali.
Dokumentazzjoni li tikkonferma s-superviżjoni minn Ħaddiem Soċjali Reġistrat jew Warranted.
Ċertifikat tal-kondotta maħruġ mill-Pulizija validu.
Il-kopji tad-dokumenti oriġinali sottomessi għandhom ikunu datati u ċċertifikati minn professjonist, b’dikjarazzjoni li huma kopji veri u korretti tal-oriġinali.
Kwalunkwe dokumentazzjoni barranija għandha tkun akkumpanjata minn traduzzjoni uffiċjali bl-Ingliż imwettqa minn traduttur akkreditat.
Kif tapplika
Imla u ssottometti l-applikazzjoni online.
Fl-applikazzjoni tintalab pagament online ta’ ħamsa u għoxrin ewro (€25) għar-reġistrazzjoni.
Kronoloġija
Sottomissjoni ta' Applikazzjoni
Applikazzjoni qed tiġi pproċessata
7 ijiem
Applikazzjoni Kompluta
3 xhur
