Permezz ta’ din l-applikazzjoni l-applikant għandu l-fakultà li japplika għas-servizz li joffri d-Dipartiment tal-Protezzjoni Ċivili, mingħajr ma jkollu għalfejn jattendi personali għand id-Dipartiment tal-Protezzjoni Ċivili. Is-servizzi offruti huma: applikazzjoni għal fire engine, applikazzjoni għal-għaddasa u xufier ta’ dinghy, applikazzjoni għad-dgħajsa MV Garibaldi u applikazzjoni għall-Uffiċjal tal-Protezzjoni Ċivili.

Meta l-applikazzjoni tasal għand id-Dipartiment tal-Protezzjoni Ċivili, l-applikazzjoni tiġi vvetjata għall-korrettezza u meta tiġi aċċettata mid-DPĊ, l-applikant jirċievi imejl sabiex iħallas il-kont bil-quddiem skont l-informazzjoni li jkun mela fl-applikazzjoni.

Wara li d-Dipartiment joffri s-servizz tiegħu, l-applikant jirċievi informazzjoni b’Imejl jekk għandux iħallas iżjed jew jiġi rifondut lura. Ladarba kollox jiġi ssettiljat, tingħata fattura finali lill-applikant u l-applikazzjoni tingħalaq.