Applikazzjoni biex jinkiseb Kunsens Informat minn Qabel (PIC) għall-aċċess tar-Riżorsi Ġenetiċi li għalihom Malta għandha drittijiet sovrani

Ħarsa ġenerali​

Id-Direttorat għall-Ħarsien tal-Pjanti għandu rwol ta’ Awtorità Nazzjonali Kompetenti li tissorvelja l-implimentazzjoni tal-Protokoll ta’ Nagoya tal-Konvenzjoni dwar id-Diversità Bijoloġika. Permezz ta’ dan il-Protokoll, persuni involuti f’attivitajiet ta’ riċerka jew ta’ żvilupp li jinvolvu riżorsi ġenetiċi li tagħhom Malta hija l-pajjiż fornitur huma meħtieġa jistabbilixxu Patti bi Qbil Reċiproku ta’ utiliżżazzjoni mal-Awtorità Nazzjonali Kompetenti.

X’se tingħata

Ċertifikat ta’ Konformità Rikonoxxut Internazzjonalment (IRCC) li jiddikjara li aċċessajt riżorsi ġenetiċi bil-Kunsens Informat minn Qabel tal-pajjiż fornitur u stabbilixxejt Termini bi Qbil Reċiproku għall-Utiliżżazzjoni tagħhom.

Eliġibbiltà​​

Dan is-servizz jgħodd għal individwi lokali u / jew barranin jew entitajiet korporattivi li jwettqu kwalunkwe attività ta’ natura ta’ riċerka u / jew zvilupp fuq pjanti, annimali li mhumiex bnedmin, mikroorganiżmi ta’ oriġini mhux umana, jew il-komponenti bijoloġiċi jew bijokimiċi tagħhom, li joħolqu għarfien dwar il-karatteristiċi ġenetiċi jew bijokimiċi tar-riżorsa ġenetika jew liema għarfien huwa ta’ benefiċċju ġenwin jew potenzjali għal attivitajiet ta' żvilupp eventwali f'setturi inkluż riċerka applikata, trobbija ta’ annimali jew pjanti, farmaċewtika, mediċina, żvilupp ta' materjal, u kożmetiċi, fost oħrajn.

Kif tapplika​

Imla l-formola onlajn u ibgħata.
applika