Energy Audits għall-Intrapriżi Żgħar u Medji

Ħarsa ġenerali​

Din l-applikazzjoni hija għal intrapriża żgħira jew ta’ daqs medju sabiex tapplika għal għotja għall-Energy Audit, li ssir taħt id-direzzjonijiet speċifiċi mogħtija fl-Avviż tal-Gvern 237 u 238 tal-2024.

L-Iskema ta' Promozzjoni ta' Energy Audits f'Intrapriżi Żgħar u Medji hija maqsuma f'2 għażliet, imsejħa Skema A u Skema B. L-Iskema A hija intiża għal intrapriżi li huma elenkati taħt ir-Regolament De Minimis, filwaqt li l-Iskema B hija għal intrapriżi eliġibbli taħt ir-Regolament Ġenerali ta’ Eżenzjoni ta’ Kategorija.

X’se tingħata

L-Għotja tkopri l-ispiża ta' Energy Audit sal-limitu massimu mogħti hawn taħt:
 
L-Ewwel Kategorija - Intrapriżi ta' daqs Medju fil-Kodiċi NACE C u I -->  € 5,000    
It-Tieni Kategorija -    Intrapriżi ta' daqs Medju fil-Kodiċi NACE l-oħra kollha -->  € 3,000   
It-Tielet Kategorija -  Intrapriżi Żghar fis-sottogrupp 55 tal-Kodici NACE C u l-Kodiċi NACE I --> € 3,000                  
Ir-Raba' Kategorija -  Intrapriżi Żgħar fil-Kodici NACE u s-sottogruppi l-oħra kollha tal-Kodici NACE --> € 1,000

Eliġibbiltà​​

Intrapriżi żgħar u/jew ta' daqs medju kif definiti fir-Rakkomandazzjoni tal-Kummissjoni tas-6 ta' Mejju 2003 dwar id-definizzjoni ta' intrapriżi mikro, żgħar u ta' daqs medju (2003/361/KE).

Kif tapplika​

Imla l-formola tal-applikazzjoni u ibgħat permezz tal-websajt jew billi tibgħat email fuq [email protected].

Din l-iskema bħalissa hija miftuħa sa Diċembru 2026.
applika