Klassijiet ta’ Reviżjoni b’Xejn

Ħarsa ġenerali​

Il-Klassijiet ta’ Prevenzjoni (Reviżjoni) tas-SEC, bħala parti mill-Garanzija għaż-Żgħażagħ (Youth Guarantee) huma organizzati għaż-żgħażagħ bejn il-15 u l-24 sena, li ġabu 6, 7, U jew ġew immarkati assenti fl-eżamijiet ta’ Mejju ta’ Livell Ordinarju/SEC f’dawn is-suġġetti: il-Bijoloġija, il-Fiżika, il-Matematika, il-Malti u l-Ingliż.

L-istudenti jistgħu jagħżlu sa 3 suġġetti (li tinkludi għażla ta’ suġġett wieħed ta’ xjenza) jekk ġabu l-marka 6 jew inqas f’iżjed minn suġġett wieħed.

Dawn il-klassijiet huma pprovduti b’xejn fuq medda ta’ 5 ġimgħat tul is-sajf (Lulju – Awwissu 2019).

X’se tingħata

• 6 sigħat ta’ lezzjonijiet għal kull suġġett fil-ġimgħa għal 5 ġimgħat, m’għalliema kkwalifikati u t’esperjenza; u • Karti passati b’xejn u materjal ieħor.

Fejn se jsiru l-klassijiet? Malta o Kulleġġ Maria Regina (Lily of the Valley), il-Mosta o Lifelong Learning Centre, l-Imsida o MCAST, Raħal Ġdid

Għawdex o Kulleġġ t’Għawdex – Skola Sekondarja, r-Rabat, Għawdex Tistgħu ssibu aktar informazzjoni dwar dawn il-Klassijiet ta’ Prevenzjoni hawn

Eliġibbiltà​​

Studenti bejn il-15 u l-24 sena li rċevew ir-riżultati tal-eżamijiet ta’ Mejju ta’ Livell Ordinarju/SEC, f’minimu ta’ suġġett obbligatorju wieħed (il-Bijoloġija, il-Fiżika, il-Matematika, il-Malti u l-Ingliż) u li ġabu l-marki 6 jew 7, jew ġew immarkati U jew assenti.

Kif tapplika​

L-applikazzjoni onlajn se tinfetaħ ftit wara li jiġu ppubblikati r-riżultati tal-eżamijiet ta’ Mejju mill-MATSEC.

Għal aktar informazzjoni kkuntattja lill-Uffiċċju tal-Garanzija għaż-Żgħażagħ ġewwa l-Ministeru għall-Edukazzjoni u x-Xogħol billi ċċempel 2598 1161/2/4 jew 2598 2846, jew tibgħat imejl fuq [email protected].
applika