Sħubija ma' Malta Libraries

Ħarsa ġenerali​

Malta Libraries hija l-entità responsabbli għall-Librerija Nazzjonali u l-Libreriji Pubbliċi Ċentrali f'Malta u Għawdex, kif ukoll għall-Libreriji Pubbliċi kollha li jinsabu fi kważi kull belt u raħal madwar il-gżejjer.

​X’ser​ tingħata

Bħala membru ta' Malta Libraries, int intitolat/a tissellef materjal mill-librerija, inkluż eBooks u materjal awdjoviżiv, tikkonsulta l-kollezzjonijiet estensivi tagħna dwar materjal ta' referenza, u tagħmel użu minn servizzi oħra bħal Internet u servizzi ta' kompjuters, b’xejn. Barra minn hekk, il-Portal Online tagħna (maltalibraries.gov.mt) jippermettilek tfittex fil-kollezzjonijiet kollha tagħna, tagħmel tiġdid tas-self, u tirriserva materjal li jkun diġà misluf lil membri oħra.

Eliġibbiltà​​

Kull min joqgħod fil-Gżejjer Maltin, inkluż viżitaturi li jkunu qegħdin iżuru l-gżejjer għal perjodu qasir ta’ żmien, jista' jsir membru. Madankollu, ir-Reġistrazzjoni Online hija applikabbli biss għal membri ġodda li għandhom Karta tal-Identità Maltija jew Dokument ta’ Residenza Malti. Dawk li mhumiex ċittadini Maltin għandhom jibagħtu email lill-Customer Care tagħna fuq [email protected] biex jibdew ir-reġistrazzjoni tagħhom bħala membri.

Kif tapplika​

Tista' tirreġistra online permezz ta' dan il-link.

Ladarba tissottometti l-formola tar-reġistrazzjoni, int ser tirċievi email b’numru ta’ sħubija temporanju u password. Il-Card l-Ġdida tal-Librerija tiegħek, li fiha n-Numru Uffiċjali tas-Sħubija tiegħek, tiġi mibgħuta lilek bil-posta. Int ukoll ser tirċievi Email ta’ Konferma li fiha link biex toħloq il-password il-ġdida tas-sħubija tiegħek.
Dawk li għandhom Karta tal-Identità Maltija jew Dokument ta’ Residenza Malti, jistgħu wkoll iżuru kwalunkwe Librerija Pubblika biex jirreġistraw infushom fuq il-post u jirċievu immedjatament il-Card l-Ġdida tas-Sħubija tagħhom. F’dan il-każ, membri ġodda żgħar (ta' 17-il sena jew iżgħar) għandhom ikunu akkumpanjati minn wieħed mill-ġenituri tagħhom meta jżuru l-librerija għall-ewwel darba biex jiġbru l-Card l-Ġdida tas-Self tagħhom. Kemm l-adulti kif ukoll il-membri żgħażagħ ta’ 14-il sena 'l fuq iridu jġibu magħhom il-Karta tal-Identità Maltija tagħhom.

Lista dettaljata tal-libreriji kollha f’Malta u Għawdex, flimkien mal-ħinijiet tal-ftuħ tagħhom, tista’ tinstab f’din il-link
 

applika