Ekonomija, Negozju u Kummerċ

Is-Sandbox tat-Teknoloġija hija maħsuba biex tiggwida lil min għandu soluzzjoni matul perjodu ta’ residenza ta’ massimu ta’ erba’ snin, hekk kif jallinja s-soluzzjoni tiegħu ma’ objettivi ta’ kontroll stabbiliti bbażati fuq standards internazzjonali, b’approċċ fażat u gradwali.

Fl-aħħar ta’ kull fażi, isir assessjar tekniku indipendenti minn parti terza magħżula, li tkun Awditur tas-Sistemi rikonoxxut mill-MDIA jew Espert Tekniku Persuna Naturali rikonoxxut mill-MDIA, skont il-kundizzjonijiet fl-aħħar Gwida tal-Programm tas-Sandbox, sakemm il-proġett ikun allinjat ma’ l-objettivi kollha ta’ kontroll u/jew mal-milestones proposti.

Nirrakkomandaw li tirreferi għall-aħħar Dokument tal-Gwida tal-Programm tas-Sandbox għal informazzjoni aġġornata u li tieħu preċedenza dwar il-programm.
 

Li tkun parti mis-Sandbox tat-Teknoloġija jġib miegħu diversi vantaġġi għall-applikant:

•    Jippermetti l-iżvilupp tas-soluzzjoni jkun allinjat ma’ objettivi ta’ kontroll stabbiliti minn qabel u bbażati fuq standards internazzjonali, u b’hekk jitnaqqas ir-riskju ta’ falliment li jista’ jaffettwa b’mod negattiv lill-utenti.
•    Jipprovdi assigurazzjoni teknoloġika lill-investituri u lill-utenti finali, billi jagħti ċertezza dwar il-korrett ezekuttiv u l-affidabbiltà tat-teknoloġiji u l-proċessi operattivi sottostanti, u b’hekk is-soluzzjoni ssir aktar attraenti.
•    Jipprovdi ċertezza legali u regolatorja, anke f’konformità mal-iżvilupp ta’ regolamenti tal-UE fil-qasam tat-teknoloġija.
•    Jipprovdi vantaġġ kompetittiv fuq soluzzjonijiet oħra.
•    Jiżgura li wara r-residenza fis-Sandbox, il-proċess ta’ ċertifikazzjoni tal-MDIA ikun effiċjenti. Fl-aħħar tar-residenza fis-Sandbox, l-applikant jirċievi Mark of Credit, u wara numru definit ta’ assessjar, l-applikant jista’ jkun f’pożizzjoni li jikseb iċ-ċertifikazzjoni sħiħa tal-MDIA, li tindika li s-soluzzjoni tipprovdi assigurazzjonijiet teknoloġiċi għal diversi stakeholders, inklużi l-utenti u l-investituri
 

Is-Sandbox huwa ddisinjat apposta biex jakkomoda start-ups, atturi iżgħar jew kwalunkwe entità oħra li qed tfittex l-iżvilupp korrett tal-IDPS tagħhom, permezz ta’ proċess li jikkonsisti f’numru ta’ Technical Soundness Reviews li jsiru minn Awditur tas-Sistemi rikonoxxut mill-MDIA jew EspertTekniku Persuna Naturali rikonoxxut mill-MDIA u li huma monitorjati mill-Awtorità.

Ir-residenza fis-Sandbox se tkun fażata b’mod li jkun personalizzat skont il-bżonnijiet ta’ kull Applikant individwali. Minkejja l-kundizzjonijiet differenti, ir-residenti kollha tas-Sandbox jgħaddu minn tliet fażijiet ewlenin, jiġifieri:

1.    Fażi standard ta’ onboarding,
2.    Fażi ta’ residenza fis-Sandbox monitorjata,
3.    Fażi standard ta’ offboarding.

L-onboarding jibda meta l-Applikant jissottometti Formola ta’ Applikazzjoni tas-Sandbox mimlija.

L-Awtorità twettaq valutazzjoni teknika tal-Formola ta’ Applikazzjoni riċevuta flimkien ma’ kwalunkwe proċess ta’ due diligence fuq l-Applikant u l-Uffiċjal Tekniku li l-Awtorità tqis bħala meħtieġ.

L-Applikant għandu jikkopera u jipprovdi lill-Awtorità kwalunkwe dokumenti meħtieġa għal dawn il-verifiki ta’ due diligence skont kif mitlub. 

L-Awtorità mbagħad tinforma lill-Applikant bir-riżultat ta’ dan il-proċess. Wara riżultat pożittiv, l-Applikant għandu jappunta Awditur tas-Sistemi rikonoxxut mill-MDIA jew Espert Tekniku Persuna Naturali rikonoxxut mill-MDIA, li jkunu approvati mill-Awtorità qabel ma jibdew iwettqu l-ewwel Technical Soundness Review u sussegwenti.

L-Applikant għandu jniedi Reviżjoni Inizjali ta Technical Soundness Review tal-istat attwali tal-IDPS qabel ma jidħol fis-Sandbox. Rapport bħal dan għandu jasal għand l-Awtorità fi żmien tliet (3) xhur mill-approvazzjoni tal-Awditur tas-Sistemi rikonoxxut mill-MDIA jew tal-Espert Tekniku Persuna Naturali rikonoxxut mill-MDIA, jew kif mitlub mill-Awtorità.

Wara dan, tiġi organizzata laqgħa tri-partitika bejn ir-resident prospettiv, l-Awditur tas-Sistemi rikonoxxut mill-MDIA jew l-Espert Tekniku Persuna Naturali rikonoxxut mill-MDIA u l-MDIA biex jiddiskutu r-riżultat ta’ dan ir-rapport.

Fil-każ ta’ rapport pożittiv ta’ Reviżjoni Inizjali dwar Technical Soundness Review, jew wieħed li jidentifika kwistjonijiet minuri li l-Awtorità tqis bħala aċċettabbli, ir-resident prospettiv jiġi notifikat u ammess fis-Sandbox.

L-Awtorità, fid-diskrezzjoni tagħha, tirriserva d-dritt li tirrifjuta d-dħul fis-Sandbox lil kwalunkwe resident prospettiv. Ladarba jkun aċċettat fis-Sandbox, l-Awtorità toħroġ Avviż ta’ Aċċettazzjoni tar-Residenza fis-Sandbox (“l-Avviż”) li jipprovdi d-dettalji ta’ kif l-IDPS għandu jiġi identifikat, inkluż key pubbliku jew marka kummerċjali u li jkollu numru uniku għal skopijiet ta’ identifikazzjoni.

L-IDPS għandu jpoġġi dan l-Avviż f’post pubbliku li jiġi speċifikat mill-Awtorità, f’format faċli u leggibbli sabiex ikun jista’ jiġi viżwalizzat u mifhum minn kull utent tal-IDPS

Dokumenti meħtieġa

Bħala parti mill-Formola ta’ Applikazzjoni sottomessa, fost oħrajn l-applikant huwa meħtieġ li jissottometti:

•    Sommarju qasir tal-proposta u l-istadju ta’ żvilupp tagħha.
•    Pjan ta’ Residenza li jipprovdi informazzjoni dwar l-IDPS, jiddeskrivi kif l-IDPS se jiżviluppa matul il-perjodu ta’ residenza fis-Sandbox, l-assessjar ippjanat, il-pjanijiet ta’ rapportar u l-valutazzjoni tar-riskju tar-residenza.
•    Blueprint tas-Sandbox li jinkludi deskrizzjoni tat-teknoloġija, il-limitazzjonijiet, il-proċessi rilevanti, il-miżuri ta’ sigurtà u l-valutazzjoni tar-riskju teknoloġiku.
•    Pjan ta’ Negozju aġġornat għall-IDPS biex jiġi żgurat li r-residenza fis-Sandbox tkun allinjata mal-mandat tan-negozju tal-kumpanija li qed tuża/jiddeplojja t-teknoloġija.
•    Formola ta’ applikazzjoni tal-Uffiċjal Tekniku li tipprovdi informazzjoni bażika dwar il-persuna magħżula mill-applikant għall-irwol ta’ Uffiċjal Tekniku.