Impjieg fl-Innovazzjoni u l-Kreatività - Taxxa Personali

Ħarsa ġenerali​

Din il-miżura tiffaċilita l-impjieg ta' persuni mhux residenti Maltin fir-rwoli li bħalissa mhumiex indirizzati mis-suq tax-xogħol lokali, billi ttaffi temporanjament l-ispejjeż tat-taxxa mġarrba minn dawn il-persuni permezz ta' inċentiv fiskali.

X’se tingħata

Dawn il-persuni jibbenefikaw minn rata ta' taxxa fissa ta' 15% fuq id-dħul tagħhom għal perjodu konsekuttiv ta' mhux aktar minn 3 snin.

Eliġibbiltà​​

Individwi li mhumiex domiċiljati f'Malta li:

- jkollhom kuntratt ta' impjieg legali
- dħul mill-impjieg ta' minimu ta' €45,000
- jokkupaw rwol eliġibbli, u
- suġġetti għall-ħlas tat-taxxa fuq id-dħul f'Malta

Kif tapplika​

Imla l-formola onlajn, ipprintjaha u ibgħatha lil:

Korporazzjoni Malta Enterprise
Malta Industrial Parks Ltd
Gwardamangia Hill
Pietà MEC 0001

Il-formoli tal-applikazzjonijiet għandhom jintbagħtu mimlija u ffirmati jew bl-idejn jew permezz tal-posta rreġistrata.
applika