Applikazzjoni għal Ċertifikat tal-ISO9001

Ħarsa ġenerali​

L-Istitut tal-Istandards u l-Metroloġija fi ħdan l-MCCAA joffri servizz ta’ ċertifikazzjoni ta’ Sistemi ta’ Ġestjoni ta’ Kwalità skont ir-rekwiżiti tal-istandard Internazzjonali SM EN ISO 9001:2015. Jekk l-organizzazzjoni tiegħek implimentat Sistema ta’ Ġestjoni ta’ Kwalità u għaldaqstant tirrikjedi ċertifikazzjoni, inti tista' tibda billi titlob kwotazzjoni u timla formula sabiex tapplika. Is-servizz ta’ ċertifikazzjoni offrut huwa akkreditat mill-UKAS li hija organizzazzjoni tal-akkreditazzjoni fir-Renju Unit.

X’se tingħata

Hekk kif tasal l-applikazzjoni tiegħek, wieħed mir-rappreżentanti tagħna jagħmel kuntatt miegħek sabiex ikun jista' jagħtik aktar informazzjoni fuq il-proċess ta’ ċertifikazzjoni. Dan il-proċess jinvolvi awditjar fuq żewġ livelli fejn l-awdituri jwettqu reviżjonijiet tad-dokumentazzjoni kif ukoll awditjar fil-post sabiex tiġi vverifikata l-konformità mar-rekwiżiti tal-istandard. Jekk ir-riżultat tal-awditjar ikun wieħed pożittiv, l-organizzazzjoni tiegħek tkun tista' tiġi ppreżentata b’ċertifikat li juri l-konformità mal-istandard Internazzjonali ta’ Sistemi ta’ Ġestjoni.

Eliġibbiltà​​

Kull organizzazzjoni li tadotta sistema ta’ Ġestjoni ta’ Kwalità skont SM EN ISO 9001:2015.

Kif tapplika​

Imla l-formola onlajn u ibgħatha.
applika