Servizz Silver T

Ħarsa ġenerali​

s-servizz ta’ Silver T jikkonsisti fi transport lokali lil persuni anzjani sabiex ikunu jistgħu jagħmlu il-qadi tagħhom fil-komunità, mingħajr ma joqgħodu jiddependu fuq il-familjari u l-ħbieb tagħhom.

X’se tingħata

Is-servizz jopera mit-Tnejn sal-Ġimgħa, mis-7:00 ta’ filgħodu sas-2:00 ta’ wara nofsinhar u jipprovdi faċilità ta’ trasport lil dawk il-persuni anzjani li jixtiequ jmorru l-bank, is-suq lokali, il-klinika, il-Kunsill Lokali, postijiet ta’ qima u diversi postijiet oħra fi ħdan il-lokalità. Dan is-servizz hu bla ħlas.

Eliġibbiltà​​

Kriterji ta’ eliġibbiltà ġenerali:

Persuni anzjani `l fuq minn 60 sena u jgħixu f’dawn il-lokalitajiet:

>ul>
  • Iż-Żurrieq, Ħal Safi jew il-Gudja
  • Ir-Rabat (Malta), Il-Baħrija, L-Imtarfa jew Ħad-Dingli
  • Il-Mosta, Burmarrad, L-Imġarr, Naxxar jew Għargħur
  • Il-Gżira, L-Imsida, Ta’ Xbiex jew Tal-Pietà
  • Raħal Ġdid, Il-Fgura, Ħal Tarxien jew Santa Luċija
  • Il-Mellieħa, Xemxija, San Pawl il-Baħar, il-Qawra u Buġibba

    • Kif tapplika​

    Wieħed irid jibbukkja sa mhux aktar tard minn jumejn qabel u mhux aktar kmieni minn ġimgħa qabel, fuq in-numru tat-telefon 22788900 . Il-ħinijiet taċ-Ċentru tat-Telefonati huma l-istess bħall-ħin li fih jaħdem dan is-servizz, jiġifieri mit-Tnejn sal-Ġimgħa mis-7:00 ta’ filgħodu sas-2:00 ta’ wara nofsinhar.