Ħarsa ġenerali​

Il-ħaddiema kollha residenti Għawdex li jaħdmu Malta huma intitolati għas-sussidju maħruġ mill-Ministeru għal Għawdex u l-Ippjanar(Gozitan Workers Subsidy).

X’se tingħata

Ħaddiema li huma residenti Għawdex u li huma impjegati, kemm mas-settur pubbliku kif ukoll mas-settur privat, fuq bazi full-time f’Malta, huma eliġibbli għall-benefiċċju ta' €650 fis-sena. Għalliema u LSEs, li jaħdmu inqas ġranet fis-sena minħabba l-vaganzi tas-sajf, huma eliġibbli għal €525 fis-sena. Dan il-benefiċċju se jinkludi s-sussidju relatat mat-trasport kollettiv miċ-Ċirkewwa għall-post tax-xogħol u lura. Dan il-benefiċċju se jingħata darbtejn fis-sena: l-ewwel pagament ikopri l-perjodu Jannar sa Ġunju u t-tieni pagament ikopri l-perjodu Lulju sa Diċembru.

Eliġibbiltà​​

Il-ħaddiema kollha residenti Għawdex li jaħdmu Malta fuq bażi full-time huma ntitolati għas-sussidju maħruġ mill-Ministeru għal Għawdex u l-Ippjanar.

Kif tapplika​

Imla l-formola onlajn u ibgħatha.

Dan is-servizz jista' jiġi aċċessat ukoll permezz tal-mowbajl app myGozo li tista' titniżżel mill-Play Store jew App Store.
applika