Talba biex Prodotti Farmaċewtiċi Jiddaħħlu fil-Formolarju tal-Gvern

Ħarsa ġenerali​

Il-formola għandha timtela minn kull detentur tal-Marketing Authorisation (MAHs) jew l-aġenti rappreżentattivi lokali tagħhom, meta jagħmlu talba għal prodotti ġodda farmaċewtiċi biex jiġu kkunsidrati biex jiddaħħlu fil-formolarju tal-Gvern. Din il-formola trid timtela wkoll għal dawk l-oġġetti li diġà huma disponibbli fuq il-formolarju iżda li għalihom qed tiġi kkunsidrata indikazzjoni ġdida. Il-prodotti kollha għandhom ikunu lliċenzjati biex jintużaw fis-suq Malti u l-indikazzjonijiet għandhom ikunu konformi mal-proċedura ta' intitolament għall-mediċini bla ħlas li hemm fis-seħħ bħal issa.

X’se tingħata

Jekk it-talba tal-inklużjoni ta' mediċina ġdida jew indikazzjoni fuq il-formolarju tiġi aċċettata, il-pazjenti jgawdu minn kura bla ħlas.

Eliġibbiltà​​

Kull MAHs jew aġent lokali tal-farmaċija li jaġixxi f'isem il-MAHs.

Kif tapplika​

Imla l-formola onlajn, ipprintjaha, iffirmaha u ibgħatha lil:

Is-Supretendent tas-Saħħa Pubblika
L-Isptar San Luqa
Pietà

Din il-formola ma tistax tiġi sottomessa onlajn minħabba r-rekwiżit ta' firma oriġinali.
applika