Ħarsa ġenerali
Iċ-Ċentru ta' matul il-jum Santa Marta joffri ambjent sigur, inklużiv u ta’ sostenn għal adulti b’diżabbiltà, fejn kull individwu jingħata l-opportunità li jiżviluppa l-potenzjal sħiħ tiegħu u jtejjeb il-kwalità tal-ħajja.
Il-missjoni tagħna hija li nippromwovu t-tkabbir personali, l-indipendenza u l-inklużjoni permezz ta’ attivitajiet ta’ kuljum sinifikanti, li jappoġġjaw kemm il-kura personali kif ukoll l-iżvilupp tal-ħiliet. Aħna ninkoraġġixxu t-tagħlim, il-kreattività, il-benesseri fiżiku u l-interazzjoni soċjali f’ambjent sigur u stimulanti.
Noffru wkoll kura u gwida kontinwa, u niżguraw li kull individwu jirċievi l-attenzjoni, ir-rispett u l-inkoraġġiment meħtieġ biex jirnexxi. Aħna impenjati li nagħtu s-setgħa lin-nies biex jgħixu ħajja attiva, sodisfaċenti u inklużiva fi ħdan il-komunità tagħhom.
X’ser tingħata
Jekk il-persuna tiġi kkunsidrata bħala eliġibbli, tinħatar case conference flimkien mas-Social Worker, bil-għan li jiġu evalwati u mifhuma l-bżonnijiet, il-preferenzi u l-potenzjal individwali tal-persuna. Abbażi ta’ din l-evalwazzjoni, jitfassal programm personalizzat li joffri l-appoġġ meħtieġ biex jissaħħu t-tkabbir personali u l-kwalità tal-ħajja tal-individwu. Wara dan il-proċess, il-persuna tiġi assenjata f’unit jew grupp adatt fi ħdan iċ-Ċentru, sabiex jiġi żgurat li jirċievi l-livell xieraq ta’ kura, appoġġ u opportunità biex jilħaq il-potenzjal tiegħu.
Eliġibbiltà
Persuni b’diżabilità ta’ 22 sena jew aktar li huma residenti f’Għawdex huma eliġibbli biex japplikaw.
Kif tapplika
Imla l-formola onlajn u ibgħatha.
Kronoloġija
Sottomissjoni ta’ Applikazzjoni
Iċċekkjar ta’ Applikazzjoni
Ġurnata
Valutazzjoni ta’ Applikazzjoni
Ġurnata
Approvazzjoni ta’ Applikazzjoni
Ġurnata
Provvista tas-Servizz
14 - il jum
