Eliġibbiltà għaċ-Ċekk Ħlas ta' Kumpens
Għal dan iċ ċekk huma eliġibbli ċittadini li kienu f’impjieg fl-2022 u lid-dħul tagħhom ma qabiżx is-€60,000. L-ammont ivarja skont id-dħul fl-2022. Il-pensjonanti mhumiex eliġibbli għal dan iċ-ċekk, madankollu, dawk il-pensjonanti li kienu impjegati fl-2022 huma eliġibbli għal dan iċ-ċekk. Iċ-ċekkijiet ser jitqassmu sa l’aħħar ta’ Mejju.
Sabiex ċittadin ikun eliġibbli għal dan iċ-ċekk, iridu jintlaħqu l-kriterji li ġejjin:
- Dħul minn okkupazzjoni bi qligħ irrapurtat għas-Sena Bażi 2022 ( Eżempju: Impjieġi, miżati tad-direttur, okkupazzjoni personali (anke jekk kien irrapurtat telf), impjieg barra l-pajjiż, student hosting, bejgħ ta prodotti agrikoli).
- Kont kurrenti attiv mad-dipartiment tat- taxxa.
- L-indirizz attwali għandu jkun f’Malta
- Id-dħul totali minn xogħol bi qligħ ma jaqbiżx is-€60,000
Ċittidan mhux eliġibbli jekk:
- Mhux residenti f’Malta jew telaq minn Malta
- Ġie/Ġiet nieqsa wara 12/04/2024
- Ikollu dħul mill-pensjoni jew stipendju
- Ikollu dħul passiv (dħul iġġenerat minn kirjiet, investimenti u qligħ kapitali biss)
- Ikollu dħul minn inviġilazzjoni u mill-kummissjoni elettorali
- Jekk iċ-ċittadinma ssottomettiex il-formola tat-taxxa sena ta’ stima 2023, jew inħarget stima.
Tista’ tissottometti d-dikjarazzjoni tat-taxxa nieqsa tiegħek mill-ħolqa li ġejja hawn
Ammont pagabbli
Fuq il-bażi tad-dħul miksub fl-2022, ir-rati huma kif ġej:
Komputazzjoni - Persuna Waħidha |
Intitolat/a |
| €0 - €15,000 | €125 |
| €15,001 - 30,000 | €95 |
| €30,001 - €59,999 | €60 |
Komputazzjoni – Miżżewġin |
Intitolat/a |
| €0 - €20,000 | €140 |
| €20,001 - €40,000 | €110 |
| €40,001 - €59,999 | €65 |
Komputazzjoni – Ġenitur |
Intitolat/a |
| €0 - €15,000 | €135 |
| €15,001 - €30,000 | €105 |
| €30,001 - €59,999 | €60
|
