Ħarsa ġenerali
Id-dokument A1 jiċċertifika liema leġiżlazzjoni tas-Sigurtà Soċjali hija applikabli. Huwa meħtieġ f’sitwazzjonijiet fejn persuna impjegata jew li taħdem għal rasha għandha konnessjoni permezz tal-attività tax-xogħol tagħha ma’ aktar minn pajjiż wieħed tal-Unjoni Ewropea (UE). Peress li skont ir-regoli tal-UE, persuna hija soġġett biss għal-leġiżlazzjoni ta’ pajjiż wieħed fl-istess perjodu, il-Formula A1 tispeċifika il-legislazzjoni applikabbli skond il-pajjiż.
Iċ-ċertifikat A1 jinħareġ mill-pajjiż, li l-leġiżlazzjoni tiegħu tapplika għalik u jikkonferma li m’intix soġġett għal-liġijiet tas-Sigurtà Socjali ta’ kwalunkwe pajjiż ieħor li miegħu għandek konnessjoni. Dan ifisser, li ma jkollok l-ebda obbligu li tħallas kontribuzzjonijiet tas-sigurtà soċjali, inkluża l-assigurazzjoni tas-saħħa, f'dawk il-pajjiżi l-oħra. Iċ-ċertifikat A1 jibqa’ validu sad-data ta’ skadenza kif indikata fuq id- dokument jew sakemm jiġi revokat mill-awtorità emittenti.
X’ser tingħata
Iċ-ċertifikat tal-A1 jikkonferma li int obbligat li tħallas il-kontribuzzjonijiet tas-sigurtà soċjali f'Malta waqt li twettaq attività ta’ xogħol fi stat membru ieħor tal-Unjoni Ewropea (UE). Dan jassigura li inti ma tkunx suġġett għal-ħlas ta’assikurazzjoni f’iktar min pajjiż wieħed.
Eliġibbiltà
Int eliġibbli għad-dokument ta’ ċertifikazzjoni tal-A1 f’dawn iċ-ċirkustanzi:
Meta tiġi assenjat mill-imgħallem sabiex taħdem temporanjament f’pajjiż ieħor tal-Unjoni Ewropea (UE) għal-perjodu massimu ta’ erbgħa u għoxrin (24) xahar. Dan jissejjaħ allokament.
Meta normalment taħdem għal rasek f'pajjiż tal-Unjoni Ewropea (UE) u tmur tagħmel attività simili f'pajjiż ieħor għal perjodu massimu ta' erbgħa u għoxrin (24) xahar.
Meta int taħdem f'aktar minn pajjiż wieħed tal-Unjoni Ewropea (UE) fl-istess żmien jew f'perjodi konsekuttivi.
Meta tkun impjegat għal rasek f'aktar minn pajjiż wieħed tal-Unjoni Ewropea (UE) fuq bażi ta’ rotazzjoni fl-istess perjodu.
Meta tkun impjegat taċ-ċivil u twettaq impjieg f’pajjiż ieħor tal-Unjoni Ewropea (UE).
Dokumentazzjoni meħtieġa
Kwestjonarju tal-imgħallem (dan il-kwestjonarju jinsab bl-ingliż biss) għal persuna impjegata, jew
Kwestjonarju għall-persuna li taħdem għal rasha (dan il-kwestjonarju jinsab bl-ingliż biss) f’kaz li int impjegat taħdem għal-rasek.
Informazzjoni Addizzjonali għal Impjieg Regolari f'Diversi Stati Membri (jinsab bil-verżjoni bl-ingliż biss)
Kif tapplika
AVVIŻ IMPORTANTI
Mill-14 ta’ Settembru 2026, l-għażla ‘Viżitatur’ biex tissottometti applikazzjoni mhux se tibqa’ disponibbli. L-applikanti se jkollhom japplikaw għad-dokument A1 tagħhom billi jużaw l-e-ID jew il-login tal-eIDAS tagħhom. Gwida b’pass pass dwar kif timtela d-dokument A1 hija disponibbli online (verżjoni bl-ingliż biss)
Imla u ssottometti l-applikazzjoni online. L-applikazzjoni tinsab biss bl-ingliż.
Kronoloġija
Sottomessi
Ġurnata
Ipproċessar
5 ijiem
Aċċettati/Miċħuda
Ġurnata
