Karta tal-Ivvjaġġar Frekwenti

Il-klijenti għandhom l-għażla li jibbenefikaw mill-iskema għal Vjaġġaturi Frekwenti meta jivvjaġġaw bejn il-gżejjer.

L-iskema għal Vjaġġaturi Frekwenti tista’ tapplika jew għal individwu flimkien ma’ kwalunkwe karozza standard (taħt il-5.3 metri), jew għal karozza standard li tista’ tinstaq minn kwalunkwe sewwieq. Din l-aħħar għażla tista’ tkun partikolarment adattata għall-ħtiġijiet ta’ negozji żgħar li jibagħtu rappreżentanti differenti tal-bejgħ lejn Għawdex. Skont l-għażla applikabbli, fuq il-kard tintwera jew ir-ritratt tas-sewwieq, jew in-numru tar-reġistrazzjoni u l-marka tal-vettura.

L-iskema hija disponibbli wkoll għal konjuġi li japplikaw flimkien għal Kard għal Vjaġġaturi Frekwenti. F’dan il-każ, il-kard tkun tinkludi r-ritratti taż-żewġ konjuġi u tista’ tintuża minn kwalunkwe wieħed minnhom. Il-passiġġieri li jkunu qed jivvjaġġaw fl-istess vettura, inkluż il-konjuġi l-ieħor, ikunu meħtieġa jħallsu n-noll normali applikabbli. Din l-għażla hija disponibbli biss meta ż-żewġ konjuġi japplikaw flimkien u jippreżentaw id-dokumentazzjoni ta’ sostenn kollha meħtieġa kull darba li japplikaw għall-Kard għal Vjaġġaturi Frekwenti għall-Konjuġi.