Ħarsa ġenerali
Dan is-servizz jagħtik il-possibbiltà li tagħmel rapport mhux urġenti ta’ inċident li diġà seħħ mingħajr ma tmur l-għassa. Tibda b’prenotazzjoni ta’ sejħa lura permezz ta’ formola sempliċi online, fejn tagħżel il-metodu ta’ kuntatt u l-ħin. Uffiċjal imħarreġ iċempillek u jiġbor id-dettalji tar-rapport online.
X’ser tingħata
Sejħa lura skedata fuq pjattaforma li tagħżel: WhatsApp, Google Meet, Apple FaceTime, Microsoft Teams, jew telefonata.
Interazzjoni diretta fejn l-uffiċjal jiġbor l-informazzjoni kollha u jista’ jitlob ritratti/dokumenti permezz ta’ email.
Ir-rapport tiegħek jiġi rreġistrat fis-Sistema Nazzjonali tal-Pulizija, u tirċievi n-Numru ta’ Rapport, kif ukoll kopja diġitali.
Jekk ikun hemm bżonn, il-każ jiġi rreferut lid-distrett/sezzjoni rilevanti għal segwitu.
Eliġibbiltà
Dan is-servizz hu biss għal sitwazzjonijiet mhux urġenti fejn m’hemm l-ebda theddida immedjata u l-inċident mhuwiex għaddej bħalissa. Għal emerġenzi jew każi li għaddejjin, ċempel 112 minnufih.
Kif tapplika
1. Iftaħ il-paġna Agħmel Rapport lill-Pulizija u agħżel ‘Ibbukja ġurnata u ħin biex nikkuntattjawk’.
2. Agħżel il-metodu ta’ kuntatt u ħin disponibbli.
3. Agħmel l-intervista mal-uffiċjal tal-pulizija u ibgħat id-dokumenti/ritratti bl-email jekk jintalbu.
Dokumenti meħtieġa:
Żomm ħdejk il-karta tal-identità Maltija jew il-permess ta’ residenza, jew il-passaport tiegħek għal verifika tal-identità matul l-interazzjoni.
Kwalunkwe evidenza ta’ sostenn (eż. ritratti, riċevuti, dokumenti), jekk tintalab.
Kronoloġija
Sottomissjoni tal-Applikazzjoni
Ġurnata
Provvista tas-Servizz
Ġurnata
