Applikazzjonijiet validi jiġu kkunsidrati mill-Kumitat tal-Għajnuna fid-Dar fi ħdan l-Anzjanità Attiva u Kura fil-Komunità (AAKK). Jekk approvati, numru ta’ sigħat ta’ servizz fil-ġimgħa jiġu allokati. Kull applikant huwa suġġett għall-assessjar minn professjonisti tal-kura tas-saħħa sabiex ikun żgurat li s-servizz jingħata skont il-bżonn.

• Anzjani li jgħixu waħedhom jew flimkien ma' anzjani oħra li għandhom il fuq minn 65 sena;  jew

• Persuni taħt is-65 sena u li għandha il-Karta tal-Identità Speċjali valida maħruġa mill-Aġenzija Sapport; jew

• Persuni li qed isofru minn mard serju

Dokumentazzjoni ġenerali:

• Applikazzjoni mimlija kollha mill-applikant inkluż ir-Rapport Mediku. Ikklikkja hawn biex tniżżel ir-Rapport Mediku.

• Rapport mediku ieħor għal kull persuna bejn il-65-74 sena li tgħix fl-istess dar

• Persuni b’diżabilita’ taħt is-65 sena għandhom jehmżu kopja tal-Karta tal-Identità Speċjali maħruġa mill-Aġenzija Sapport

• Fejn applikabbli, kopja riċenti ta’ discharge case summary tal-isptar

• L-AAKK jirriserva d-dritt li jitlob dokumentazzjoni addizzjonali skont il-bżonn.

Kif tapplika

Imla u ssottometti l-applikazzjoni online.

Dan is-servizz hu bi ħlas ta’ kontribuzzjoni fissa fil-ġimgħa:

• Kontribuzzjoni fissa ta’ €2.33 fil-ġimgħa li tkun imnaqqsa mill-pensjoni tal-benefiċjarju għal dar b’benefiċjarju wieħed

• Kontribuzzjoni fissa ta’ €3.49 fil-ġimgħa li tkun imnaqqsa mill-pensjoni ta’ benefiċjarju wieħed għal dar fejn hemm aktar minn benefiċjarju wieħed

• Il-benefiċjarji li m’għandhomx pensjoni jistgħu jħallsu l-kontribuzzjoni direttament lill-Anzjanità Attiva u Kura fil-Komunità (AAKK)

Skema ta’ Għajnuna fid-Dar Tal-Għażla Tiegħek issussidjata :

• Klijenti li huma eliġibbli għas-servizz jistgħu jagħżlu li jqabbdu Helper tal-għażla tagħhom u jingħataw sussidju ta’ €10.00 għal kull siegħa approvata mill-Kumitat tal-Għajnuna fid-Dar. Is-sussidju jintbagħat kull tlettax-il (13) ġimgħa fil-kont bankarju tal-benefiċjarju.                                                                                                                                                                                            

• Jekk jogħġbok, agħfas hawn għal-linji gwida għal deskrizzjoni aktar dettaljata dwar x’jikkonsisti s-servizz Għajnuna fid-Dar.