Ambjent, Enerġija, Biedja u Sajd

Biex tkopri, iddawwar jew titfi temporanjament il-feeders tal-elettriku li jippermettu xogħlijiet fuq il-faċċata, jew biex jiżviluppaw/iwaqqgħu bini. Ħlasijiet standard ta' €40, €300 u €400 huma applikabbli biex jinstallaw gaiters, jitfu switches ta' feeder (jew parti minnu), jew idawru l-aerial lines rispettivament.

Jawtorizza lil ARMS Ltd biex awtomatikament tirċievi fondi mill-kont tal-bank ta' klijent meta tinħareġ invoice. Tista' tintuża għal darba jew għal ħlas regolari ta' invoices li jintbagħtu lill-klijent. Il-klijent ikun avżat bl-ammont minn qabel ma jinġibdu l-flus permezz ta' kont li jirċievi bil-posta. Fil-każ ta' kont kontestat, il-klijent jista' jitlob ħlas lura (refużjoni) li tingħata qabel ma jitħallas il-kont kontestat.

Jippermetti lid-detentur ta' kont li jemenda jew ibiddel l-indirizz postali tal-kont tiegħu/tagħha. Il-kontijiet magħżula se jiġu impostati fl-indirizz indikat fuq il-formola.

L-iskema tal-Pannelli Solari Fotovoltajċi għal Għaqdiet Volontarji hi skema amministrata mill-Ministru għall-Enerġija, l-Intrapriża u l-Iżvilupp Sostenibbli (MESD) bil-ħsieb li tinkoraġġixxi l-użu tal-enerġija rinovabbli. Din l-iskema hi ffinanzjata minn fondi nazzjonali u tapplika għal Għaqdiet Volontarji registrati u konformi kif imfissra fl-Att dwar l-Organizzazzjonijiet Volontarji (Kap. 492).

Detenturi ta' kont huma intitolati li jitolbu lill-ARMS biex jirrimedjaw rigward applikazzjoni preċedenti għal bidla fin-numru ta' persuni fuq il-kont, li huma jqisu bħala miċħuda inġustament. Ċittadini tal-UE jistgħu japplikaw b'mod speċjali għal rimedju f'każi fejn ma tkunx saret applikazzjoni qabel, bil-kundizzjoni li jibagħtu l-evidenza meħtieġa tar-residenza primarja tagħhom f'Malta fl-indirizz li jkun marbut mal-kont, fiż-żmien tal-każ. Ladarba l-applikazzjoni tkun proċessata, id-detentur tal-kont jista' jkollu bidla retroattiva fit-tariffa (ħlas b'lura minn waħda domestika għal waħda residenzjali).

Biex tiddaħħal provvista tal-elettriku u/jew ilma f'post li għad m'għandux provvista. Jista' jkun hemm servizz wieħed biss fil-post u għalhekk jekk diġà hemm, applikazzjoni bħal din ma tiġix aċċettata.

Tista' tuża din l-applikazzjoni biex tapplika għal tqabbid ta’ dwal tat-toroq ġodda jew imressqin.

Permezz tal-iskema ta' Servizz ta' Kwalità Garantit, il-Korporazzjoni għas-Servizzi tal-Ilma tieħu impen li tipprovdi servizz kontinwu lill-klijenti tagħha. F'kaz ta' qtugħ tas-servizz, il-Korporazzjoni tikkommetti ruħha li tagħti lura s-servizz fi żmien 48 siegħa f'każ ta' manutenzjoni u fi żmien 72 siegħa f' każ ta' ħsarat mhux previżti.

Għall-benefiċċju tal-agrikoltura u għat-titjib tal-kwalità tal-akkwifer, in-New Water se jiġi pprovdut mingħajr ħlas, sa massimu ta' 2,500,000 litru kull nofs ettaru.

Detentur ta' kont jista' jixtieq li jkun mgħarraf minn qabel meta jkun ġej dak li jaqra l-arloġġ ta' garaxx, maħżen jew dar li ma tkunx okkupata jew rari tintuża.